Otoranchcha Paarooni Xoossaa Halchchoy Polettanaadan Maaddiiddi Deꞌiyoogaa Akeekibeenna

8:15, 18, 19; 9:15-17

Gibxxe kawoti banttana xoossadan xeelloosona. Hegee Paarooni keehi otorettidi Muuseenne Aarooni ubba qassi A shareechchoti yootidobaa siyennan ixxidoy aybissakko akeekanaadan nuna maaddees.

Harati bantta qofaa yootiyo wode siyay? Issi uri nena zorido gishshawu A galatay? Woy neeni nena ubbatoo likke gaada qoppay? “Otoruwaa geeduwaa bashshai kaallees.” (Lee 16:18) Nuuni otorettennaakkonne shaakki eriyoogee keehi koshshiyaaba!