Wurssettay Matiyo Wode Minna Eqqa

HEGEE KEEHI KOSHSHIYOY AYBISSEE? Nuuni awudeegaappenne aaruwan xalananne Yihoowan ammanettana koshshiyo keehi gitabay mata wode polettana. Worddo haymaanootee xayiyo wode gita waayee doommana. (Maa 24:21; Ajj 17:16, 17) He keehi metiya wodiyan nuuni pirddaa kiitaa xalatettan sabbakana danddayoos. (Ajj 16:21) Maagooga Googi nuna qohana. (Hiz 38:10-12, 14-16) Yihooway ba asaa ashshanawu, ‘Ubbaappe Wolqqaama Xoossaa gita gallassan olaa’ doommana. (Ajj 16:14, 16) He sinttappe hananabawu kaseegaappe aaruwan xalanawu nuuni ha wodiyan nu ammanoy paacettiyo wode ammanettidi deꞌana bessees.

HEGAADAN OOTTANA DANDDAYIYO OGETA:

• Yihooway kessido kandduwaa maarata xalatettan kaallanne etawu exata.—Isi 5:20

• Ubbatoo ne mala Kiristtaanetuura goynna.—Ibr 10:24, 25

• Yihoowa dirijjitee immiyo kaaletuwaa sohuwaara azazetta.—Ibr 13:17

• Yihooway ba asaa kase waati ashshidaakko wotta dentta qoppa.—2PHe 2:9

• Yihoowakko woossa, qassi an ammanetta.—Maz 112:7, 8

XALANA KOSHSHIYO SINTTAPPE HANANABATA—GIYAAGAAPPE EKETTIDABA, GIYO BIIDUWAA BEꞌITE; YAATIDI KAALLIYA OYSHATA ZAARITE:

• 

  Issi gubaaꞌiyan deꞌiyaageeti hara gubaaꞌetuura wolahettido wode, azazettiyoogaara gayttidaagan aassiyaageeta gakkida paacee aybee?

• 

  Azazettiyoogan xalatettaa waati minttana danddayiyoo?

• 

  Armmageedooni matiyo wode xalatettay koshshiyoy aybissee?

• 

  Ashshiya Yihoowa wolqqan kaseegaappe aaruwan ammananaadan maaddiya Geeshsha Maxaafaa taarikee awugee?—2Odi 20:1-24