Ne Wodiyaanne Ne Wolqqaa Immana Danddayay?

Isiyaasi kasetidi yootidoogaadan, Yihoowa dirijjitiyawu saꞌaa baggay awudeegaappenne aaruwan dicciiddi deꞌees. (Isi 54:2) He dichchaappe denddidaagan, nuussi ooratta SHiiquwaa Addaraashati, Gita SHiiquwaa Addaraashatinne macara biiroti koshshoosona. He keettati keexetti simmin, he keettata zaaretti giigissana, ubba qassi wurssettan bottokoniyoogaa koshshees. Hageeti nuuni ay ogiyan nu wodiyaanne nu wolqqaa Yihoowawu immanaadan oottiyoonaa?

• Nu haggaazo citaa SHiiquwaa Addaraashaa geeshshiyo kayay gakkiyo wode geeshshana danddayoos

• SHiiquwaa Addaraashaa bottokonanaadan imettiya loohissuwaa eeno giidi loohana danddayoos

• Nuuni deꞌiyo heeran keexxiyoonne bottokoniyo oosuwaa oottanawu Halchchuwaa Kesuwaanne Keexuwaa Kifiliyaa (DC-50) giyo qitsiyaa kunttana danddayoos

• Ba Dosan Maaddanawu Kunttiyo Qitsiyaa, (A-19) kunttana, qassi Beeteelen woy hara macara biiruwan issi saaminttawu woy hegaappe daruwaa nu dosan maaddana danddayoos

OORATTA KEETTAA KEEXXANAWU HALCHCHOY KIYIIS—GIYAAGAAPPE EKETTIDAAGAA, GIYA BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:

• Nuuni 2014⁠ppe doommidi kaseegaappe aaruwan daro biidota waati goꞌettidaakko qonccissa.

• Nu goynuwawu koshshiya biidota giigissanawu, halchchettida oosoy aybee, qassi keexxiyo oosoy awude doommettidi awude wurii?

• He oosuwaa ba dosan maaddanawu koyiyaageeti waati maaddana danddayiyoonaa?

• Nuuni Ramapo giyoosan keexxiyo oosuwaa maaddanawu koyikko, qitsiyaa (DC-50) kunttana, qassi nu heeran Halchchuwaa Kesuwaanne Keexuwaa Kifiliyaa oosuwan maaddana koshshiyoy aybissee?

• Yihooway ha oosuwaa kaalettiiddi deꞌiyoogaa bessiya naqaashay aybee?

• Nuuni yaa biidi keexxanawu danddayennaba gidikko, he oosuwaa waati maaddana danddayiyoo?