Neessi Danddayettida Ubbabaa Yihoowayyo Imma

5:5-7, 11

Israaꞌeela uri Yihoowaara sarotettaa medhdhiyo maataa hiyyeesatettay diggana danddayenna. Keehi hiyyeesa gidida Israaꞌeela asatikka banttawu danddayettida keenaa Yihoowa ufayssiya yarshshuwaa yarshshana danddayoosona. Eti xiilliyaa yarshshana danddayoosona; shin bonchchettida imattawu goꞌettiyoogaa mala “liiqo” gidanaadan Yihooway naagees. (Doo 18:6) Ha wodiyan, nu hanotati nuuni immana danddayiyoobaa diggikkonne nuuyyo danddayettida keenaa immiyo “galataa yarshshuwaa” Yihooway ufayssan ekkees.—Ibr 13:15.

Ne payyatettay kaseegaa keena gidenna gishshawu woy wolqqay baynna gishshawu neeni kase oottiyo ubbabaa oottana danddayennaba gidikko, hagee nena waati minttettana danddayii?