Yihoowawu Haggaazanawu Doorite

Neeni xammaqettabeenna yelagaa, woy Geeshsha Maxaafaa xannaꞌiyaagaa gidikko, xammaqettanawu halchchadii? Neeni xammaqettanawu koyana bessiyoy aybissee? Bana sheedhdhiyoogeenne xammaqettiyoogee Yihoowaara dumma dabbotaa dabbotanawu doometta. (Maz 91:1) Hegee nuna ashshana danddayees. (1PHe 3:21) Hegawu gakkanawu waana diccana danddayay?

Ne ammaniyoobay tuma gidiyoogaa shaakka era. Ne oychchiyo ay oyshatussikka zaaruwaa demmanawu gujjada pilgga. (Roo 12:2) Neeni laamettana koshshiyaabaa akeeka. Neeni laamettiyo wode, ne koshshay aybakko, neeni Yihoowa ufayssanawu koyiyo gishshataassakkonne shaakka era. (Lee 27:11; Efi 4:23, 24) Maaduwaa demmanawu ubbatoo akko woossa. Yihooway nena minttanaagaanne ba wolqqaama geeshsha ayyaanan nena maaddanaagaa ammanetta. (1PHe 5:10, 11) Hegawu neeni baaxetiyoogee bessiyaaba. Yihoowawu haggaaziyoogee deꞌuwan aybippenne aadhdhiyaaba!—Maz 16:11.

XINQQATIYAWU GIIGETTIYOOGAA GIYO BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:

• Issooti issooti ayba paaciyaa xoonidi xammaqettidonaa?

• Nena Yihoowawu sheedhdhana mala ammanuwan waana minnana danddayay?

• Issooti issooti xammaqettanawu koshshiyaabaa oottanaadan aybi denttettidee?

• Baassi oottanawu dooriyaageeta Yihooway waati anjjii?

• Ba huuphiyaa sheedhdhiyoogeenne xammaqettiyoogee woygiyoogee?