Oyshata Oychchite

Yihooway ‘ufayttiya Xoossa’ gido gishshawu, haggaazuwan nuuni ufayttanaadan koyees. (1Xim 1:11) Haggaazuwan qara gidanawu nuuni minni oottikko kaseppe aaruwan ufayttana. Oyshata oychchiyoogee ezggiya uri siyanawu koyanaadan oottananne waayissenna ogiyan haasayaa doommanaadan maaddana danddayees. Oyshati asay qoppanaadaaninne banttawu siyettiyaabaa yootanaadan denttettana. (Maa 22:41-45) Nuuni haasayissiyo izaawa oyshata oychchidi I yootiyoobaa ezggiyoogee, he izaawa ‘taani nena xoqqu oottada xeellays’ giyoogaa mala. (Yaaq 1:19) Nu oychchidobawu izaawu zaariyoobay awugaa ginan loytti haasayanaakko nu akeekanaadan maaddana danddayees.

ERISSIYO ASHKKARA OOTTIYOOGAN UFAYTTITE—KASEPPE QARA GIDITE—OYSHATA OYCHCHITE, GIYO BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:

• 

  Jeeda bessido loꞌꞌo eeshshati awugeetee?

• 

  Niita maaddanawu koyiyoogaa bessiya hanotan oyshata waata goꞌettadee?

• 

  Niita Jeeda mishiraachchuwaa siyanawu koyanaadan denttettanawu oyshata waata goꞌettadee?

• 

  Jeeda qoppanaadaaninne baayyo siyettiyaabaa yootanaadan Niita oyshata waata goꞌettadee?