Intte Son Siiquwaa Bessite

Siiqoy shidaadan so asaa issippe gatti qachchees. Siiqoy xayikko, so asay issippetettaaninne issoy issuwaara hashetidi deꞌiyoogee metees. Son azinati, machchotinne naati siiquwaa waati bessana danddayiyoonaa?

Siiqiya azinay ba machcheessi koshshiyaabaa, I qofaanne iyyo siyettiyaabaa akeekees. (Efi 5:28, 29) So Asaa Goynuwaa omarssan aggennan shiiqiyoogaa gujjin, ba soo asawu asatettaabaaninne ayyaanaaban koshshiyaabaa kunttees. (1Xim 5:8) Siiqiya machchiyaa ba azinaassi haarettawusunne wozanappe A ‘bonchchawusu.’ (Efi 5:22, 33; 1PHe 3:1-6) Eti naaꞌꞌaykka issoy issuwawu coo atto gaana bessees. (Efi 4:32) Siiqiya aawaynne aayyiyaa bantta naata ubbaa siiqoosonanne bantta naati Yihoowa siiqanaadan tamaarissoosona. (Zaa 6:6, 7; Efi 6:4) Eta naata timirtte keettan gakkiya metoy aybee? Laggetuppe gakkiya paaciyaa waati eti gencciyoonaa? Son siiqoy deꞌikko, so asa ubbay hirggennan woppu giidi deꞌees.

MULE XAYENNA SIIQUWAA INTTE SON BESSITE, GIYO BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:

• 

  Siiqiya azinay ba machchiyo waatidi miziinne naagii?

• 

  Siiqiya machchiyaa ba azinaa wozanappe bonchchiyoogaa waatada bessay?

• 

  Siiqiya aawatinne aayoti bantta naata Xoossaa Qaalaa waati loytti tamaarissiyoonaa?