KIRISTTAANETI DEꞌIYO DEꞌUWAA

Ushshaa Xeelliyaagan Akeekan Kuuyite

‘Ushshaa Gaasuwan Gakkiyaabaa Qoppa,’ giyo biiduwaappe eketidaagaa. Issi bitanee oyqqido ushshaappe achchaara deˈiya shooshshay kiyees.

Ubba Kiristtaaneti ushshaa uyiyoogaara gayttidaagan bantta huuphiyaa naagana bessees. (Lee 23:20, 29-35; 1Qor 6:9, 10) Issi Kiristtaanee ushshaa uyanawu kuuyikko likkiyan uyana bessees. I ushsha uyiyoogaa amale oottiyoogan haratussi xube gidana bessenna. (1Qor 10:23, 24; 1Xim 5:23) Nuuni oonanne, ubba qassi yelagati ushshaa uyanaadan iisettana bessenna.

USHSHAA GAASUWAN GAKKIYAABAA QOPPA, GIYO BIIDUWAA BEꞌITE, YAATIDI KAALLIDI DEꞌIYA OYSHATA ZAARITE:

Ushshaara gayttida higgiyaa Kiristtaaneti ubbay azazettana koshshiyoy aybissee?—Roo 13:1-4
Harati ushshaa uyanaadan iisettana bessennay aybissee?—Roo 6:16
Ushshay gattiyo qohuwaappe waani naagettana danddayiyoo?