Cima Maccaasa Ne Aayeedan, Yelaga Maccaasa Ne Michcheedan Bonchcha

Cimida Kiristtaane maccaasa nu aayotudan, yelaga maccaasa nu michchotudan bonchchanaadan Geeshsha Maxaafay yootees. (1 Ximootiyoosa 5:1, 2 nabbaba.) Ubba qassi ishantti michchontta bonchchana koshshees.

Issi ishay issi michchiyo lambbeechchana koshshenna woy I deꞌiyoosan A yeellatannaadan oottiya aybanne oottana koshshenna. (Iyy 31:1) Machchibeenna ishay I ekkanawu qoppibeenna gelabeenna michchiyaa A qaaqqatanaadan oottiyaabaa mule oottana koshshenna.

Cimati banttana oychchiya michchonttussi woy maadoy koshshiyo michchonttussi kehatettan qoppana bessees. Cimati azini baynnaageeta qohuwaappe naaganawu loytti qoppana koshshees.—Uru 2:8, 9.

GUBAAꞌIYAA GIDDON MULE XAYENNA SIIQUWAA BESSITE—AMꞌꞌETUSSINNE AAWI BAYNNA NAATUSSI, GIYO BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:

• 

  Gubaaꞌee michchiyo Myinto loytti siiqiyoogaa waati bessidee?

• 

  Gubaaꞌee bessido siiqoy heeran deꞌiyaageetussi markka waani gididee?

• 

  Gubaaꞌee bessido siiqoy michchee Myinti macca naata waati maaddidee?

Intte gubaaꞌiyan deꞌiya michchontta intte siiqiyoogaa bessana danddayiyo amarida ogeti aybee?