Ne Akeekaa Abbiyaa Ubbatoo Loohissa

Issi wottanchchay gooba gidanawu ubbatoo ba dibbaa minttana koshshees. Hegaadan, nuunikka nu akeekaa abbiyaa minttanawu ubbatoo loohana koshshees. (Ibr 5:14) Geella harati kuuyidobaa coo kaalliyo meezee nuussi deꞌikkonne, nu akeekaa abbiyaa loohissana, qassi issibaa nuussi nu kuuyana bessees. Aybissi? Nu ubbaykka nu kuuyidobawu oyshettana.—Roo 14:12.

Nuuni xammaqettoosappe daro laytta gidido gishsha xallawu loꞌꞌobaa kuuyana giidi qoppana koshshenna. Nuuni aadhdhida eratettan kuuyanawu Yihoowan, A Qaalaaninne A dirijjitiyan kumetta hanotan ammanettana koshshees.—Yaas 1:7, 8; Lee 3:5, 6; Maa 24:45.

“LOꞌꞌO KAHAY DEꞌIYOOGEETA GIDITE” GIYA BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:

• 

  Eema aybaa xeelliyaagan kuuyana koshshidee?

• 

  Issi uri bawu kuuyana koshshiyaabaa xeelliyaagan coo nu qofaa yootiyoogaa aggana koshshiyoy aybissee?

• 

  Issi azinaynne machchiya Eemo aadhdhida eratettan zorido zoree aybee?

• 

  Eema ba hanotaa xeelliyaagan maaddiya zoriyaa awuppe demmadee?