XOOSSAA QAALAN DEꞌIYA ALꞌꞌOBAA

Kumetta Wozanan Yihoowa Kaalla

Kaaleebi ba yelagatettan kumetta wozanaappe Yihoowa kaalliis (Yaas 14:7, 8)

Kaaleebi guyyeppe Yihooway deexo aawatettaa polanaadan immin Yihoowan ammanettiis (Yaas 14:10-12; w04 12/1 12 ¶2)

Kaaleebi ba kumetta wozanaappe Yihoowawu oottido gishshawu anjjettiis (Yaas 14:13, 14; w06 10/1 18 ¶11)

Misiliyaa: Ammanettida michchiyaa cimatettaa gaasuwan gakkiya metuwaa genccawusu. 1. A uttiyo wodenne woossiyo wode kazaara oyqqa uttaasu. 2. A yelaga michcheera dabaaban haggaazawusu. 3. A ba gubaaˈiyan deˈiya yelaga naata pootuwaa bessawusu. 4. A noocu gawusu.

Kaaleebi Yihoowa kaaletuwaa kaallido gishshawu Yihoowa anjjuwaa demmido wode A ammanoy minniis. Nu woosaa zaaruwaa akeekiyo wodenne, hara ogetun I nuna kaalettiyoogaa beꞌiyo wode nuunikka minotettan Yihoowawu aggennan oottana.—1Yoh 5:14, 15.