Sameelappe Tamaariyoobaa

Sameeli ba deꞌo laytta ubban Yihoowawu ammanettidi deꞌiis. Sameeli naatettan, Eela attuma naati Hofiniininne Piinihaasi oottidoogaadan iitabaa oottanawu mule koyibeenna. (1Sam 2:22-26) Sameeli dicciyo wode, Yihooway aara deꞌees. (1Sam 3:19) I cimido wode A naati Yihoowawu oottibeennaba gidikkonne, I ammanettidi oottiis.—1Sam 8:1-5.

Sameelappe ay tamaarana danddayiyoo? Neeni yelaga gidikko, nena gakkiya paaciyaanne neeyyo siyettiyaabaa Yihooway akeekiyoogaa ammanetta. Neeni xala gidanaadan I maaddana. (Isi 41:10, 13) Intte naati Yihoowawu haggaazennaba gidikko, Sameeli ba naati Yihooway kessido maarawu ammanettidi deꞌanaadan wolqqanttibeennaagaa eriyoogan minettana danddayeeta. I hegaabaa Yihoowa bolli oliyoogan, ammanettidi deꞌiisinne saluwan deꞌiya ba Aawaa Yihoowa ufayssiis. Intte loꞌꞌo leemiso gidiyoogee Yihoowakko simmanaadan intte naata denttettana danddayees.

ETAPPE TAMAARITE—SAMEELA, GIYA BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:

• 

  Sameeli naatettan deꞌiyo wode xala gidiyoogaa waati bessidee?

• 

  Daani xala gidiyoogaa waati bessidee?

• 

  Sameeli cimido wode loꞌꞌo leemiso gidiyoogaa waati bessidee?

• 

  Daana yelidaageeti loꞌꞌo leemiso gidiyoogaa waati bessidonaa?