Iita Meezeta Agganaadan Intte Xinaateta Maaddite

Xinaateti Yihoowaara dabbotanawu loꞌꞌo laggeta doorana bessees. (Maz 15:1, 4) Loꞌꞌo laggeti eti suurebaa oottanaadan denttettana danddayoosona.—Lee 13:20; lff timirtte 48.

Iita laggetettaa agganaadan intte xinaateta maaddiyo wode qarettiyaageeta gidite. Eti iita laggetuura wodiyaa aattiyoogaa agganawu metootana danddayoosona. Yaatiyo gishshawu, xannaꞌissiyo wode xallan gidennan, ubba wodekka etawu wozanappe qoppiyoogaa bessite. Intte etawu silkkiyan kiitaa xaafana, dawalana woy biidi oychchana danddayeeta. Xinaateti ayyaanaaban dicciyo wode, Xoossaa asaara wodiyaa aattanaadan eta shoobbana danddayeeta. Yaatiyo wode, eti aggidobaappe demmidobay keehi aadhdhiyoogaa loytti akeekana. (Mar 10:29, 30) Yihoowa soo asaa qooday gujjiyoogaa beꞌiyo wode inttekka keehi ufayttana.

GEESHSHA MAXAAFAA INTTE XANNAꞌISSIYOOGEETA MAADDITE—YIHOOWA SIIQENNA ASAARA LAGGETENNAADAN GIYA BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:

• Iita laggetettay aybee?—1Qor 15:33

• Kiristtaaneti wodiyaa aattanawu shiiqiyoogee ay malakko Jeeda waata akeekadee?

• Jeeda iita laggeta aggada Yihoowa asaara laggetanaadan Niita waata maaddadee?