Aqinye Gidiyoogaa

Nuuni Yihoowawu loytti haggaazanawu halchchiyo wode, nu wolqqaa maara goꞌettoos. (1Qor 9:26) Wurssettay keehi matido gishshawu, halchchuwaa kessiyoogee nu wodiyaa maara goꞌettanaadan maaddees. (Efi 5:15, 16) So asaa goynuwaa wode, ooratta haggaazo layttan intte oottanawu qoppido halchchotubaa haasayana danddayeeta. Hegaadan oottanawu inttena maaddiya, intte woossidi kuuyana danddayiyo daro halchchotubaa ha xannaꞌiyo xuufee yootees.—Yaaq 1:5.

Leemisuwawu, intte soo asaappe baa giishin issi uri ubba wode aqinye gidanaadan maaddana danddayeetii? Aqinyetuppe koyettiya saatiyaa kunttana danddayennabadan inttiyo siyettikko, hanotay intteegaara issi mala gidido amarida aqinyeta zoriya oychchana danddayeeta. (Lee 15:22) Geella, intte so asaa goynuwaa wode issi aqinyiyaa shoobbidi hegawu maaddiya amaridabata oychchana danddayeeta. Yaatidi intte polana danddayiyo halchchota xaafite. Intte kase aqinye gididi haggaazidaba gidikko, haꞌꞌikka aqinye gididi haggaazana danddayiyaakkonne loytti qoppite.

Intte soo asaappe amaridaageeti issi woy hegaappe daro aginawu kaafiya aqinye gididi haggaazana danddayiyoonaa? Inttiyo wolqqay baynnaba gidikko, ubba galla amarida saatiyaa haggaaziyoogan kaafiya aqinye gidana danddayeeta. Qassi kumetta saatiyaa oottiyo woy tamaariyo gishshawu saaminttaa gidduwan haggaazana danddayennaba gidikko, baalay woy ichchashu saaminttay deꞌiyo aginatun haggaazana danddayeeta. Qassi kaafiya aqinye gidanawu intte qoppido wodiyaanne halchchidobata xaafite.—Lee 21:5.

XALA GIDA—AQINYAWU, GIYA BIIDUWAA BEꞌITE; YAATIDI KAALLIDI DEꞌIYA OYSHAA ZAARITE:

• Yihooway michchee Aamandissi qoppiyoogaa waati bessidee, qassi nuuni hegaappe ay tamaariyo?