Aqo Deꞌuwaa—Merinawu Duuxxenna Laggetettaa

Ufayssiya Kiristtaanetu aqo deꞌoy, Yihooway bonchchettanaadaaninne azinaynne machchiya keehi ufayttanaadan oottees. (Mar 10:9) Kiristtaaneti bantta aqo deꞌoy minonne ufayssiyaagaa gidanaadan aqo laggeta dooriyo wode Geeshsha Maxaafay yootiyo maaraa kaallana bessees.

Issi uri ‘panttatettaa layttay’ aadhdhana gakkanaashin, ekkanawu woy gelanawu qoppidi issippe wodiyaa aattennan aggiyoogee loꞌꞌo. Ayssi giikko, he wode mattumaa gaytettaa koshshay wolqqaamiyo gishshawu, loꞌꞌobaa kuuyiyoogee metana danddayees. (1Qor 7:36) Neeni aqo oyqqenna deꞌiyo wodiyaa Yihoowaara dabbotaa minttanawunne Kiristtaanetuppe koyettiya eeshshata dichchanawu goꞌetta. Yaatiyaaba gidikko, ne aqo deꞌoy ufayssiyaagaa gidanaadan darobaa oottana danddayaasa.

Issi ura ekkanawu woy gelanawu maayettanaappe kase, he uraa ‘wozanaa giddon deꞌiya loꞌꞌotettaa’ loyttada eranawu wodiyaa bazza. (1PHe 3:4) Neeni ekkanawu woy gelanawu qoppido uraa xeelliyaagan nena sirissiyaabay merettikko hegaabaa issippe haasayite. Laggeti harati oottiyoogaadan aqo deꞌuwankka neeyyo ekkiyoogaa xallaa qoppiyoogaappe aaruwan harawu immiyoogaa qoppana bessees. (Pili 2:3, 4) Intte aqo oyqqanaappe kase Geeshsha Maxaafay yootiyo maarata oosuwan peeshshiyoogee aqo oyqqi simminkka intte aqo deꞌoy ufayssiyaagaa gidanaadan maaddees.

AQO DEꞌUWAWU GIIGETTIYOOGAA—SHAAHO 3: ‘KOSHSHIYAABAA KOYROORA UTTIDI QOODITE’ GIYA BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:

• Koyro heeran michchiya SHaanaara laggetettaa minttidoy ayba ogiyaanee?

• A abaa loytta erido wode akeekidobay aybee?

• O yelidaageeti O waati maaddidonaa, qassi A eratettan kuuyidobay aybee?