KIRISTTAANETI DEꞌIYO DEꞌUWAA

Miishshay Keehi Metiyo Wodiyawu Giigettidetii?

Kumetta saꞌan haniyaabati miishshay keehi metanaadan oottiyo wode nuuni dagammokko. Aybissi? Nuuni wurssetta gallassati wuranawu keehi matido wodiyan deꞌiyo gishshataassanne “aadhdhiya duretettan” ammanettennaadan Geeshsha Maxaafay nuna zoriyo gishshataassa. (1Xim 6:17; 2Xim 3:1) Miishshay keehi metiyo wodiyawu giigetti uttiyoogaa xeelliyaagan Kawuwaa Yoosaafixappe ay tamaarana danddayiyoo?

Morkketi qohanawu denddido wode Yoosaafixi Yihoowan ammanettiis. (2Odi 20:9-12) Qassi I katamata gimbbiyoogaaninne olanchchatu qatuwaa medhdhiyoogan deree kasetidi giigettanaadan oottiis. (2Odi 17:1, 2, 12, 13) Yoosaafixaagaadan, nuunikka Yihoowan ammanettananne meto wodiyaassi giigettana koshshees.

MIISHSHAY KEEHI METIYO WODIYAASSI GIIGETTANAWU WAATANA DANDDAYIYOO?

Yihoowaara intte dabbotaa minttite: Intteyyo deꞌiyaaban ufayttite, qassi inttessi galla galla koshshiyaabaa Yihooway kunttanaagaa loytti ammanettite. (Maa 6:26; 1Xim 6:8) Koshshiyaabata demmanawu Geeshsha Maxaafay yootiyo maaraa oosuwan peeshshiyoogaa aggennaadan murttidaageeta gidite. (Roo 2:21) Korinttee woy Interneetee xayikko, ayyaanaabaa qumaa waati demmanaakko qoppite. Attamettida amarida xuufeta oyqqi uttite, qassi danddayettikko elektronike meran giigida xuufeta kasetidi dawunlode oottite.

Miishshaara gayttidaban giigettite: Miishshaa metoy merettanaappe kasetidi acuwaa qanxxite, qassi koshshennabawu miishshaa kessiyoogaappe naagettite. (Lee 22:7) Danddayettikko, kattaanne hara koshshiyaabata gidiyaagaa keena minjjite. Amaridaageeti miishshaa qoraphphanawu darkkon ataakilttiyaa tokkanawu qoppana danddayoosona.

MERETAY GATTIYO DAAFABAWU GIIGETTADII? GIYA BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:

“Meretay Gattiyo Daafabawu Giigettadii?” giya biiduwaappe ekettida pootuwaa. Geeshsha Maxaafaa, borssaa, zammaana silkkiyaanne keexuwaa oosuwaa oottiyaageeta bessiya misiliyaa.

Daafabawu giigettanawu nuuni ubbay waatana danddayiyoo?

Ne zaaruwaa

“Meretay Gattiyo Daafabawu Giigettadii?” giya biiduwaappe ekettida pootuwaa. Keexuwaa oosuwaa oottiyoogaaninne kaamiyan caanettidabaa wottiyoogan ishantti daafaban qohettidaageeta maaddoosona.

Harata maaddanawu waati giigettana danddayiyoo?

Ne zaaruwaa