Intte Soo Asay Kaseegaappe Aaruwan Ufayttanaadan Maaddana Danddayaasa

Yihooway so asay ufayttanaadan koyees. (Maz 127:3-5; Era 9:9; 11:9) SHin, ha alamiyappe gakkiya unꞌꞌissiyabaanne so asaa yarati oottiyo balaa gaasuwan, nu ufayssay xayana danddayees. Ufayssay deꞌanaadan so asaa yarati ubbay ay oottana danddayiyonaa?

Azinay ba machchiyo bonchchees. (1PHe 3:7) I iira wodiyaa aattees. Ba abbiyappe aarobaa oottanaadan ippe naagenna; qassi ayyonne so asawu A oottiyobawu galatees. O siiqiyogaanne nashshiyogaa yootees.—Lee 31:28, 31.

Machchiya ba azinaa maaddiyo ogeta koyawusu. (Lee 31:12) Ba azinawu haarettawusu; qassi aara hashetawusu. (Qol 3:18) Ba azinaara kehatettan haasayawusu; qassi abaa haratussi loꞌꞌobaa yootawusu.—Lee 31:26.

Yelidaageeti bantta naatuura wodiya aattoosona. (Zaa 6:6, 7) Eti bantta naata siiqiyogaa etassi yootoosona. (Maa 3:17) Yelidaageeti bantta naata siiquwaninne akeekan seeroosona.—Efi 6:4.

Naati banttana yelidaageeta bonchchoosona, qassi etawu azazettoosona. (Lee 23:22) Bantta qofaanne banttawu siyettiyabaa banttana yelidaageetussi yootoosona. Eti banttana yelidaageeti immiyo seeraa ekkoosona; qassi eta bonchchoosona.—Lee 19:20.

INTTE AQO DEꞌUWAN UFAYTTITE, GIYA BIIDUWA BEꞌITE; YAATIDI KAALLIDI DEꞌIYA OYSHAA ZAARITE:

So asay ufayttanaadan eti ubbaykka ay oottidonaa?