KIRISTTAANETI DEꞌIYO DEꞌUWA
Yelidaageetoo,—Yihoowa Waati Ufayssanaakko Intte Naata Tamaarissite
Yihooway naata keehi alꞌꞌobadan xeellees. Eti ayyaanaaban dicciyogaanne gencciyobaa I akeekees. (1Sam 2:26; Luq 2:52) Eti keehi guutta gidikkokka, bantta loꞌꞌo eeshshan Yihoowa wozanay ufayttanaadan oottana danddayoosona. (Lee 27:11) Yelidaageeti bantta naati Yihoowa siiqanaadaaninne awu azazettanaadan tamaarissanawu maaddana mala Yihooway ba dirijjitiya baggaara keehi loꞌꞌo miishshata giigissiis.
NAATOO—INTTE GENCCIYOOGEE YIHOOWA UFAYSSEES! GIYA BIIDUWA BEꞌITE; YAATIDI KAALLIDI DEꞌIYA OYSHATA ZAARITE:
Yihooway naata maaddanawunne kaalettanawu daro layttawu ay giigissidee?
Ha wodiyan, yelidaageeta maaddanawu giigidabay aybee?
Neeni naꞌa gidikko, Yihooway giigissidobaappe nena maaddidaagee awugee, qassi aybissi?