Websaytiyaa Goꞌettanawu Maaddiyaabaa
jw.org Saytiyan Koyro Sinttan Kiyida Huuphe Yohota Koyiyoogaa
Nu ishanttuppenne michchonttuppe daroti jw.org saytiyan koyro sinttan kiyida huuphe yohota haggaazuwawu goꞌettoosona. Hegeeta elektronike miishshan metootennan haratussi kiittana danddayettees; qassi hegeeti darotoo Geeshsha Maxaafaa hiraagay ha wodiyan waani polettiyaakko qonccissoosona. Issi ishay xaafidoogaadan, koyro sinttan kiyiya huuphe yohoti “nuuni ha wodiyan haggaazanawu maaddiya nuussi koshshiya hiillaa yootoosona.”
SHin jw.org saytiyan koyro sinttan kiyida huuphe yohoti darotoo laamettoosona; yaatin neeni laamettida koyro sinttan kiyida huuphe yohota waata demmana danddayay?
jw.org saytiyan “Laybreeriyaa” giyaagaa bochchada “Kaalli Kaalli Kiyiya Huuphe Yohota” giyaagaa doora, qassi wurssettan “Gujo Huuphe Yohota” giyaagaa dooya. He sohuwan, jw.org saytiyan koyro sinttan kiyida daro huuphe yohoti deꞌoosona. Qassi JW Librariyan he huuphe yohota demmana danddayaasa.