Buzo Xinaatiyawunne So Asaa Goynuwawu Maaddiya Qofaa

Nuuni galchchaa shiiqotun, woradaanne killiliya shiiqotun issippe shiiqiyo wode xalla gidennan, buzuwaninne so asaara Yihoowawu goynnoos. Buzo xinaatiyawunne so asaa goynuwawu maaddiya amarida qofay hagaappe kaallidi deꞌees:

• Galchchaa shiiquwawu giigettite. Mazamureta meezetana, qassi so asay ubbay qofaa yootanawu giigettanaadan maaddana danddayeeta.

• Geeshsha Maxaafaappe issi taarikiya nabbabite. Yaatidi, he taarikiyara gayttidaagan misiliya medhdhite woy intte tamaaridobaa xaafite.

• Geeshsha Maxaafan odettida woosaa nabbabite; qassi hegee intte kaseegaappe aaruwan woossanaadan waati maaddana danddayiyakko wotti dentti qoppite.

• Issi biiduwa jw.org saytiyappe beꞌidi haratuura tobbite woy he biiduwappe intte tamaaridobaa xaafite.

• Haggaazuwawu giigettite; geella issippe meezetana danddayeeta.

• Meretaa loytti xeellidi wotti dentti qoppite woy hegee inttena Yihoowabaa ay tamaarissiyakko tobbite.a