Misiletuppe Tamaara

Nu xuufetun keehi koshshiyabata akeekanaadan nuna maaddiya daro misileti deꞌoosona. Ha misileti nena goꞌꞌana mala waatana danddayay?

• Huuphe yohuwa nabbabanaappe kase misileta xeella. He misileti nena ufayssin huuphe yohuwa nabbabanawu koyana danddayaasa. Sayniyan deꞌiya malꞌꞌiya qumaa beꞌada maanawu yeemottaasa. Hegaadankka, kasetada neeni misileta beꞌikko, huuphe yohuwa nabbabanawu yeemottana danddayaasa. Hegaa gishshawu issi huuphe yohuwa nabbabanaappe kase nena hagaadan oychcha, ‘Taani beꞌiyobay aybee?’—Amo. 7:7, 8.

• Neeni huuphe yohuwa nabbabiyo wode he misileti giigidoy aybissakko qoppa. Misiliya matan xaafettidabi woy misiliya qonccissoy deꞌikko hegaa nabbaba. Misilee huuphe yohuwara waani gayttiyakko, qassi neeni misiliyappe tamaaridobaa ne deꞌuwan waata oosuwan peeshshana danddayiyakko loytta qoppa.

• Huuphe yohuwa nabbaba simmada, hegan qonccida waannabata hassayanawu nena maaddanaadan misileta zaarettada xeella. Yaatada ne ayfiya qilimmada misiletanne hegeetuppe neeni tamaaridobaa hassayanawu mala.

• Ha maxeetiyan deꞌiya misileta zaaretta xeellada neeni tamaaridobata hassayana danddayiyakkonne beꞌa.