Yihoowa Markkati Bantta Haymaanootiyaa Kaalliyoogaa Aggidaageeta Ixxiyoonaa?

Yihoowa Markka gidi xammaqettida Kiristtaane gidikkonne, geella sabbakiyoogaa, qassi ishanttuuranne michchonttuura shiiqiyoogaa aggidaageeta nuuni ixxokko. Ubba nuuni Xoossaa loytti siiqanaadan eta minttettanawu maloos.

Gita nagaraa oottida ura nuuni sohuwaara bohokko. SHin xammaqettida Kiristtaanee Geeshsha Maxaafaa maaraara maayettennabaa oottidi ba nagaraappe simmennaba gidikko bohettees. Geeshsha Maxaafay hagaadan giidi qoncciyan yootees: “Iitabaa oottiya uraa intte giddoppe kessirggite.”—1 Qoronttoosa 5:13.

A keettaayyiyaanne naati Yihoowa Markka gidido uri bohettidaba gidikko shin? I ba haymaanootiyaa aggidaba gidikkonne, so asaara issippe deꞌees. Eti aqo deꞌuwaaranne so asaara gayttidaagan kaseegaadan deꞌana danddayoosona.

Bohettidaageeti nunaara issippe shiiqota shiiqana danddayoosona. Eti ayyaanaaban maaduwaa koyikko, gubaaꞌe cimata zoriyaa oychchana danddayoosona. Cimati hegaadan zoriyoy issi uri zaarettidi Yihoowa Markka gidanawu oottana koshshiyaabaa akeekanaadan maaddanaassa. Bohettidaageeti bantta iita eeshshaa aggidi Geeshsha Maxaafaa maaraadan deꞌanawu wozanappe koyiyoogaa bessiyaaba gidikko, eti zaarettidi Yihoowa Markka gidoosona.