Ceeriya Kaaꞌiyogee Nagaree?

Geeshsha Maxaafaa Zaaruwa

Geeshsha Maxaafay ceeriyabaa darobaa yootana xayikkonne, ceeriya kaaꞌiyogee Xoossaa sinttan nagara gidiyogaa Geeshsha Maxaafaa maaratuppe akeekana danddayoos.—Efisoona 5:17.a

• Yaaretiyogee ceeriya kaaꞌanaadan oottees; qassi hegaa Xoossay ixxees. (1 Qoronttoosa 6:9, 10; Efisoona 5:3, 5) Ceeriya kaaꞌiyageeti, harati gammaa meetettin miishshaa demmanawu qaaqqatoosona; shin hara asaa aquwa amottiyogee Geeshsha Maxaafan digettidaba.—Kessaabaa 20:17; Roome 7:7; 13:9, 10.

• Guuttaban ceeriya kaaꞌiyogeekka miishshaa keehi siiqanaadan oottana danddayees.—1 Ximootiyosa 6:9, 10.

• Ceeriya kaaꞌiyageeti malan woy qaadan ammanoosona. Shin, hegaa mala ammanuwa Xoossay eeqaa goynodan xeellees; qassi hegee awu goynniyogaara mulekka maayettenna.—Isiyasa 65:11.

• Aynne oottennan issibaa demmanawu amottanaadan gidennan, minnidi oottanaadan Geeshsha Maxaafay minttettees. (Eranchchaa 2:24; Efisoona 4:28) Geeshsha Maxaafay zoriyobaa oosuwan peeshshiyageeti, ‘bantta kushiyan oottidi demmidobaa maana.’—2 Tasalonqqe 3:10, 12.

• Ceeriya kaaꞌiyogee, keesettanaadan denttettana danddayees; qassi hegee Geeshsha Maxaafan digettidaba.—Galaatiya 5:26.