Tohoossa Qofaa

a Yesuusi ba yuussawu malaata gidiya leemisuwaa kaseti yootido wode, kasiyaa kaallidi hananabaa yootiis. Koyro, sintta xeera gididi oottiya, ayyaanan tiyettida amarida ishanttu cita gidana ‘ammanettida wozannaama ashkkaraabaa’ yootiis. (Maa. 24:45-47) Kaallidi, saluwan deꞌanawu hidootiya ubbatuyyo haniya leemisuwaa yootiis. (Maa. 25:1-30) Wurssettan, Kiristtoosa ishantta maaddanawu deꞌiya, saꞌan deꞌanawu hidootiya asatubaa yootiis. (Maa. 25:31-46) Hegaadan, Hizqqeela hiraagan odettidabay koyrottidi saluwan deꞌanawu hidootiyaageetuura gayttidaagan ha wodiyan hananabaa qonccissees. Tammu zerettaa kawotettay saꞌan deꞌanawu hidootiyaageetuyyo darotoo leemiso gidana xayikkokka, ha hiraagan odettida issippetettay saꞌan deꞌanawu hidootiyaageetu giddooninne saluwan deꞌanawu hidootiyaageetu giddon deꞌiya issippetettaa hassayanawu maaddees.