Bollaa Payyatettaa

Geeshsha Maxaafay akkamuwaabaa tamaariyo maxaafa gidenna. SHin, payya gididi deꞌanaadan nuna maaddana danddayiya maarati an deꞌoosona. Ne bollaa payyatettay yaa loꞌꞌanaadan maaddana danddayiya, Geeshsha Maxaafay yootiyo amarida maarata beꞌa.

NE BOLLAA NAAGA

GEESHSHA MAXAAFAY YOOTIYO MAARAA: “Ba bollaa ixxiya asi mulekka baawa; shin . . . [I] ba bollaa mizeesinne naagees.”—Efisoona 5:29.

HEGEE WOYGIYOOGEE? Geeshsha Maxaafay yootiyo ha maaray nuuni nu bollaa payyatettaa naaganaadan nuna minttettees. Payyatettaara gayttida daro metoy asay deꞌiyo deꞌuwaa gaasuwan gakkiyoogaa issi xinaatee qonccissees. Hegaa gishshawu, loꞌꞌobaa dooriyoogee payyatettay yaa loꞌꞌanaadan oottana danddayees.

NEENI AY OOTTANA DANDDAYAY?

Miyoobaa. Bollawu maaddiya qumaa ma; qassi gidiya haattaa uya.
Bollaa Mintta. Neeyyo bollay sila woy wolqqaama sahuwaa gaasuwan ne abbee laafa gidikkokka, qassi niyo layttay ay keena gidinkka bollaa minttiyoogee ne payyatettay yaa loꞌꞌanaadan oottana danddayees. Nena siiqiyaageetinne dottoreti bollaa minttanaadan nena maaddana danddayikkokka, hegan goꞌettanawu koshshiyaabaa neeni oottana bessees.
Gidiyaagaa Keenaa Xiskka. Daro wodiyawu gidiyaagaa keenaa xiskkenna asay wolqqaama harggiyaa harggana danddayees. Daro asay ba dooriyoobaa gaasuwan gidiyaagaa keenaa xiskkenna. SHin, neeni gidiyaagaa keenaa xiskkiyoogan, kaseegaappe loꞌꞌo deꞌo deꞌanawu dooraasa.

IITA MEEZETA AGGA

GEESHSHA MAXAAFAY YOOTIYO MAARAA: “Nu ashuwaanne nu shemppuwaa tunissiya ubbabaappe nu huuphiyaa ane geeshshoos.”—2 Qoronttoosa 7:1.

HEGEE WOYGIYOOGEE? Harggiyawunne hayquwawu waanna gaaso gidiyoogan erettiya sijaaraa mala qohiyaabata goꞌettennan aggiyoogan nuuni kaseegaappe payya gididi deꞌana danddayoos.

NEENI AY OOTTANA DANDDAYAY? Aggana gallassaa doora. He gallassay gakkanaappe kase, sijaaraanne A oyttanawu goꞌettiyoobaa xayssa; qassi hegaara gayttida hara iita meeziyaa agga. Harati hegaa malabaa oottiyo sohota beennaadan naagetta. Maaddiya laggetussi ne kuuyidobaa yoota.

GEESHSHA MAXAAFAY YOOTIYO HARA MAARATA

Issi bitanee Geeshsha Maxaafaa nabbabees — Ne heeran deꞌiya Yihoowa Markkatuura gayttiyoogan issi Geeshsha Maxaafaa ekkana danddayaasa

QOHIYAABAAPPE NAAGETTADA OOTTA.

“Ooratta keettaa keexxiyo wode, xoqqa kaaraappe asi kunddi haiqqin ne oishettennaadan, zemppidi attiyoogaa giigissa.”—ZAARETTIDO WOGAA 22:8.

HANQQUWAA TEQQA.

“Danddayanchcha asaassi gita akeekai de7ees; shin elle hanqqettiya asi ba eeyyatettaa qonccissees.””—LEEMISO 14:29.

LIKKIYAAPPE AATTADA MOOPPA.

“Muussau yaaretiyaageetuura zuppetoppa.”—LEEMISO 23:20.