Xoossaa A Danddayau Galatiyoogaa

1. Gita Yihoowau, ne wolqqay daro;

Xillotettaa ne dosaasa.

Iitatettay daridoogee,

Nena azzanttiyoogaa eroos.

Asay nena gamꞌꞌaasa gees shin,

Matan iitatettaa xayssaasa.

Ammanetti nena naagoos;

Ne genccaunne pirddau galatoos.

2. Issi shaꞌu layttay ne xeelan,

Aadhida gallassaa mala.

Ne gita gallassay matiis;

Hegee gamꞌꞌennan gakkana.

Nagaranchatun azzanaasa;

SHin simmiyo wode ufayttaasa.

Sinttanaabaa nu hidootoos;

Wozanappe ne sunttaa sabboos.