Geeshsha Maxaafaa—Ne Deꞌuwan Au Deꞌiya Wolqqaa

Geeshsha Maxaafay miilooniyan qoodettiya asay ba deꞌuwan loꞌꞌo laamiyaa oottanaadan maaddiis. Nuuni oosuwan peeshshikko, ha wodiyan deꞌiya metuwaa xoonanaadan maaddiya Geeshsha Maxaafan deꞌiya issi issi baaso siraatati awugeetee? Geeshsha Maxaafaa—Tumu Taarikiyaanne Ammanettiyo Hiraagaa Maxaafaa giya Dividiyan deꞌiya heezzu biiduwaappe, Geeshsha Maxaafaa—Ne Deꞌuwan Au Deꞌiya Wolqqaa giya naaꞌꞌanttuwaa beꞌidi, ha oyshau zaaruwaa demmiyoogan intte ufayttanaagee sirissenna. Ha biiduwaa beꞌi simmidi, kaallidi deꞌiya oyshata zaarana danddayeetii?

(1) Nuuni Geeshsha Maxaafay coo loꞌꞌo xuufe gidenna gaana danddayiyoy aybissee? (Ibr. 4:12) (2) Asay ba deꞌuwaa kaseegaappe loyttanaadan Geeshsha Maxaafay maaddana danddayiyaaba gidikko, daro metoy asaa naata gakkiyoy aybissee? (3) Geeshsha Maxaafaa waanna qofay aybee? (4) Aqo laggeti (a) issoy issuwaara haasayiyo ogiyaa kaseegaappe loyttanau (b) bantta hanqquwaa teqqanau maaddana danddayiya, biiduwan qonccida Geeshsha Maxaafaa xiqiseti awugeetee? (5) Kiristtaaneti aqo deꞌuwaa xeelliyo hanotay waatidi so asaa deꞌuwan loꞌꞌo laamee deꞌanaadan oottii? (Efi. 5:28, 29) (6) Yihooway yelidaageetussi polo leemiso gidiyoy ayba ogiyaanee? (7) Yelidaageeti so asaa xinaatee ufayssiyaagaa gidanaadan waatidi oottana danddayiyoonaa? (8) Yelidaageeti bantta naata Geeshsha Maxaafaa xannaꞌissiyoogaappe harabaa ay oottanaadan Xoossaa Qaalay minttettii? (9) Geeshsha Maxaafaa zoree so asay miishshaara gayttida metuwaa kiyanaadan waatidi maaddii? (10) Geeshshatettaa, jallissiya xaliyaanne cammiya ushshaa bessenna ogiyan goꞌettiyoogaanne unꞌꞌettiyoogaa xeelliyaagan oosuwan peeshshiyo wode payyatettan gakkiya metota guuttanau maaddiya Geeshsha Maxaafaa baaso siraatati awugeetee? (11) Geeshsha Maxaafay yootiyo, nuna minttettiya hidootati awugeetee? (12) Xoossaa Qaalay tamaarissiyoobay ne deꞌuwaa kaseegaappe loyttanau waatidi maaddidee? (13) Harata maaddanau ha biiduwaa waatada goꞌettana danddayay?