Israaꞌeele Koyro Kawuwaappe Biidi Baabiloone Omoodduwaa Gakkanaashin

Saaꞌooli Israaꞌeele koyro kawo gidiis. SHin Yihooway a koyibeenna; hegaa gishshau a sohuwan Daawiti kawo gididi doorettiis. Nuuni Daawitebaa darobaa tamaarana. Yelagatettan deꞌiiddi, wolqqaama asa gidida Gooliyaadaara olettiis. Guyyeppe, a qanaatiya Kawuwaa Saaꞌoolappe baqatiis. Hegaappe, meraa loꞌꞌiya Abigaala Daawiti issi eeyyatetta ooso oottenaadan ashshaasu.

Kaallidi, Daawita sohuwan Israaꞌeeletu bolli kawotida a naꞌaa Solomonabaa darobaa tamaarana. Israaꞌeelen kawotida koyro heezzu kawoti huuphiyan huuphiyan 40⁠u layttaa kawotidosona. Solomoni hayqqi simmin, Israaꞌeelee huuphessanne tohossa bagga naaꞌꞌu kawotettatun shaakettiis.

Huuphessa bagga 10⁠u zaretu kawotettay Aasooretun xayana gakkanaashin 257 laytta takkiis. Hegaappe 133⁠u layttay aadhdhi simmin, tohossa bagga naꞌꞌu zaretu kawotettaykka xayiis. He wode Israaꞌeeleti Baabiloone biitti omooddettidi biidosona. Hegaa gishshau, SHaahuwaa OYDDAY nu beꞌanau deꞌiyo daro garamissiya yohoti kumido 510⁠u laytta taarikiyaa oyqqiis.