“Intte Ta Xuufiyaa Ekkikko, Taanikka Intteegaa Ekkana”

Nuuni haasayissiyo asatuppe issoti issoti hegaadan goosona. Geeshsha Maxaafaa xannaꞌanau maaddiya nu xuufeta bala qofaa oyqqida haymaanoote xuufetuura laammenna gishshau, hegaadan giya asau woygidi hiillan zaarana danddayiyoo? (Roo. 1:25) Kaallidi deꞌiyaagaadan gaana danddayoos: “Keehippe galatays. Asaa naatu metoy ayba ogiyan giiganaagaa ha xuufee yootii? [Zaaranaashin takki ga. Ne oyshaa zaaruwaa he xuufiyaa nabbabada demmanaagaa i yootiyaaba gidikko, neeni ne xuufiyaa immanaappe kase a giddon deꞌiya qofaa yootidoogaa hassayissana danddayaasa. Yaatada, Maatiyoosa 6:9, 10 nabbaba woy qofaa yoota.] Yesuusi Xoossaa Kawotettay Xoossaa shenee saꞌan hananaadan oottanaagaa yootiis. Hegaa gishshau, taani nabbabiyo haymaanoote xuufee Xoossaa Kawotettaabaa qonccissiyaagaa. Xoossaa Kawotettay poliyo issi issibata Geeshsha Maxaafaappe nena bessoo?”