Geeshsha Maxaafaappe Tobbiyo Huuphe Yohota

1. Aqo Deꞌuwaa

A. Aqo deꞌoy boncho gidana bessees

Kiristtoosaaninne au bullashettiyaarin leemisettiis. Efi 5:22, 23

Azinaynne machiyaa issoy issuwau ammanettana bessees. Ibr 13:4

Aqo laggeti issoy issuwaappe shaahettennaadan zoree imettiis. 1Qor 7:10-16

Geeshsha Maxaafaa maaran paraman shaahettanau gaaso gidiyaabay shaaramuxiyoogaa xalla. Maa 19:9

B. Kiristtaaneti huuphe gidiyoogaara gayttida maaraa bonchana bessees

Azinay huuphe gidiyo gishshau so asaa siiqananne etau koshshiyaabaa kunttana bessees. Efi 5:23-31

Machiyaa azinau haarettana, azazettananne a siiqana bessees. 1PHe 3:1-7; Efi 5:22

Naati azazettana bessees. Efi 6:1-3; Qol 3:20

C. Naatuura gayttidaagan yelida Kiristtaanetu aawatettaa

Siiqana, etau wodiyaa bazzana, loytti oyqqana bessees. Tii 2:4

Eta yiilloyoppite. Qol 3:21

Ayyaanaabaa gujjin etau koshshiyaabaa kunttite. 2Qor 12:14; 1Xim 5:8

Waani deꞌanaakko tamaarissite. Efi 6:4; Lee 22:6, 15; 23:13, 14

D. Kiristtaaneti Kiristtaane gidida ura xallaa ekkana woy gelana koshshees

“Godaa ammaniya asaa” xallaa ekkana woy gelana bessees. 1Qor 7:39; Zaa 7:3, 4; Nah 13:26

E. Dawuttiyoogee Geeshsha Maxaafaa maara gidenna

Xoossaa koyro halchoy issi urau issi maccaasee xallay deꞌanaadaana. Doo 2:18, 22-25

Yesuusi Kiristtaaneti kallana maaraa zaarettidi yootiis. Maa 19:3-9

Beni wode Kiristtaaneti dawuttibookkona. 1Qor 7:2, 12-16; Efi 5:28-31

2. Armmageedoona

A. Iitatettaa xayssiya Xoossaa olaa

Kawotettati Armmageedoonau shiiqana. Ajj 16:14, 16

Xoossay ba Naꞌaanne kiitanchatu baggaara olettees. 2Tas 1:6-9; Ajj 19:11-16

Nuuni waanidi attana danddayiyoo? Sof 2:2, 3; Ajj 7:14

B. Xoossaa siiquwaara maayettees

Alamee keehi moorettiis. 2Xim 3:1-5

Xoossay danddayancha; shin i suure pirddiyo gishshau bessiyaabaa oottana. 2PHe 3:9, 15; Luq 18:7, 8

Xilloti ishaluwan deꞌanaadan iitati xayana bessees. Lee 21:18; Ajj 11:18

3. Atotettaa

A. Atotettaa Yesuusa wozuwaa yarshshuwaa baggaara Xoossaappe demmoos

Deꞌoy Xoossay ba Naꞌaa baggaara immiyo imota. 1Yoh 4:9, 14; Roo 6:23

Atotettaa demmiyoy Yesuusa yarshshuwaa xallaana. Oos 4:12

Hayqqana haniyo wode nagaraa paaxiyoogan atotettau maaddiyaabaa oottana danddayettenna. Yaaq 2:14, 26

Atotettaa demmanau keehi baaxetana bessees. Luq 13:23, 24; 1Xim 4:10

B. “Issitoo ammanidi attiyaagee, ubbatoo attees” giyoogee Geeshsha Maxaafay yootiyooba gidenna

Geeshsha ayyaanaa ekkidaageetikka kunddana danddayoosona. Ibr 6:4, 6; 1Qor 9:27

Daro Israaꞌeelati Gibxxe biittaappe attidaba gidikkokka, xayidosona. Yih 5

Atotettay sohuwaara beettiyaaba gidenna. Pili 2:12; 3:12-14; Maa 10:22

Guyye simmiyaageetu hanotay kaseegaappe yaa iitees. 2PHe 2:20, 21

C. “Ubba asay attana” giyoogee Geeshsha Maxaafay yootiyooba gidenna

Issotu issotu nagaray atto geetettana danddayenna. Ibr 6:4-6

Xoossay nagaranchaa hayquwan ufayttenna. Hiz 33:11; 18:32

SHin siiqoy naaquwaa coo giidi xeellennaadan diggees. Ibr 1:9

Iitati xayana. Ibr 10:26-29; Ajj 20:7-15

4. Ayyaanaa, Iita Ayyaanaa Oosuwaa

A. Geeshsha ayyaanay aybee?

Xoossaa ayyaanay bolli deꞌiyooba gidenna. Oos 2:2, 3, 33; Yoh 14:17

Meretaa medhanau, Geeshsha Maxaafaa xaafissanaunne hegaa malabau goꞌettidoba. Doo 1:2; Hiz 11:5

Kiristtoosa bolla gidiyaageeti ayyaanaappe yelettoosona, ayyaanan tiyettoosona. Yoh 3:5-8; 2Qor 1:21, 22

Wolqqaa immees, ha wodiyan Xoossaa asaa kaalettees. Gal 5:16, 18

B. Deꞌo wolqqay ayyaana geetettees

Deꞌuwan deꞌiyoy shemppiyoogaana. Yaaq 2:26, NW; Iyy 27:3, NW

Deꞌuwan deꞌanaadan oottiya wolqqay Xoossaa matan deꞌees. Zak 12:1; Era 8:8, NW

Asaykka doꞌaykka deꞌuwan deꞌanaadan oottiya wolqqay Xoossaabaa. Era 3:19-21

Issi uri hayqqiyo wode dendduwan hidootaa wottidi, ba ayyaanaa Xoossaa kushiyan wottees. Luq 23:46, NW

C. Iita ayyaanaa oosoy daydanttatu ooso gidiyo gishshau haakkana bessees

Xoossaa Qaalay hegaa oottennaadan diggees. Isi 8:19, 20; Wog 19:31; 20:6, 27

Kaayiyoogee daydanttatu ooso; iita gidiyoogee odettiis. Oos 16:16-18

Bashshaa kaalettees. Gal 5:19-21; Ajj 21:8; 22:15

Xoolinttiyaa qoodiyoogee Xoossay diggiyooba. Zaa 18:10-12; Erm 10:2

5. Baalata, Yelettido Gallassaa

A. Yelettido Gallassaa, Ufayssa Masqqalaa beni wode Kiristtaaneti bonchibookkona

Tumu Xoossaayyo goynnennaageeti bonchidosona. Doo 40:20; Maa 14:6

Yesuusi hayqqido gallassay bonchettana koshshees. Luq 22:19, 20; 1Qor 11:25, 26

Baalaa wode yettay, muussay, ushshay bessiyaaba gidenna. Roo 13:13; Gal 5:21; 1PHe 4:3

6. Biittaa, Saꞌaa

A. Xoossay saꞌau halchidobaa

Gannatee polo asaa naati deꞌanaadan saꞌaa bolli giigiis. Doo 1:28; 2:8-15

Xoossaa halchoy polettennan attenna. Isi 55:11; 46:10, 11

Biittay sarotettan deꞌiya, polo asan kumana. Maz 72:7; Isi 45:18; 9:6, 7

Xoossaa Kawotettay gannatiyaa zaarettidi essana. Maa 6:9, 10; Ajj 21:3-5

B. Mule xayenna, mule baysa gidenna

Biittay merinau deꞌana. Era 1:4; Maz 104:5

Nohe wode xayiday biittaa gidennan asaa naata. 2PHe 3:5-7; Doo 7:23

He wode hanidabay nu wodiyan bashshaappe attana danddayiyoogaa bessees. Maa 24:37-39

Iitati xayana; “zawai bainna daro” asay bashshaappe attana. 2Tas 1:6-9; Ajj 7:9, 14

7. Dabloosa, Daydanttata

A. Dabloosi ayyaana mereta

Issi ura giddon deꞌiya iitatetta gidennan ayyaanaa mereta. 2Xim 2:26

Dabloosi kiitanchatuugaadan bollay deꞌiyoogaa. Maa 4:1, 11; Iyy 1:6

Iitabaa amottidi Dabloosa gidiis. Yaaq 1:13-15

B. Dabloosi ayfiyan beettennan ha alamiyaa haariyaagaa

Ba haariyo alamiyau xoossa. 2Qor 4:4; 1Yoh 5:19; Ajj 12:9

I denttido oyshay zaaro demmanaashin deꞌanaadan ayyo paqqadettiis. Kes 9:16; Yoh 12:31

Ciimma ollan yegettana, hegaappe simmin xayana. Ajj 20:2, 3, 10

C. Daydanttati makkalida kiitanchata

Bashsha Haattaappe kase Seexaanaara hashetidosona. Doo 6:1, 2; 1PHe 3:19, 20

Xoossaa pooꞌuwaappe haakkidi xuman deꞌoosona. Yih 6

Xoossau morkke, asaa huqqunnoosona. Luq 8:27-29; Ajj 16:13, 14

Seexaanaara issippe xayana. Maa 25:41; Luq 8:31; Ajj 20:2, 3, 10

8. Dendduwaa

A. Hayqqidaageetuyyo deꞌiya hidootaa

Duufuwan deꞌiya ubbay denddana. Yoh 5:28, 29

Yesuusa denddoy hegaa tumayiis. 1Qor 15:20-22; Oos 17:31

Ayyaanaa bolli nagaraa oottiyaageeti denddokkona. Maa 12:31, 32

Ammaniyaageeti denddanaagee qoncce. Yoh 11:25

B. Saluwan woy saꞌan deꞌanau denddiyoogaa

Ubbay Addaame gaasuwan hayqqees; Yesuusa gaasuwan deꞌuwaa demmees. 1Qor 15:20-22; Roo 5:19

Hayquwaappe denddiyaageetu bollay dumma dumma. 1Qor 15:40, 42, 44

Yesuusaara deꞌanaageeti a mala gidana. 1Qor 15:49; Pili 3:20, 21

Haarennaageeti saꞌan deꞌana. Ajj 20:4b, 5, 13; 21:3, 4

9. Deꞌuwaa

A. Azazettiya asaa naati merinaa deꞌuwaa demmana

Worddotenna Xoossay deꞌuwaa immanau qaalaa geliis. Tii 1:2; Yoh 10:27, 28

Ammaniyoogaa oosuwan bessiya asay merinaa deꞌuwaa demmana. Yoh 11:25, 26

Hayqoy xayana. 1Qor 15:26; Ajj 21:4; 20:14; Isi 25:8

B. Saluwaa deꞌuwaa demmiyaageeti Kiristtoosa bolla gididaageetu xalla

Xoossay he asata ba dosidoogaadan doorees. Maa 20:23; 1Qor 12:18

Saꞌaappe doorettidaageeti 144,000 xalla. Ajj 14:1, 4; 7:2-4; 5:9, 10

Xammaqiya Yohaannisikka saluwaa Kawotettaa gelenna. Maa 11:11

C. Qoodau zawi baynna ‘hara dorssati’ saꞌan deꞌanaagee odettiis

Yesuusaara saluwan deꞌanaageetu qooday guutta. Ajj 14:1, 4; 7:2-4

‘Hara dorssati’ Kiristtoosa ishantta gidokkona. Yoh 10:16; Maa 25:32, 40

Bashshaappe attidi saꞌan deꞌana daroti ha wodiyan shiiqiiddi deꞌoosona. Ajj 7:9, 15-17

Harati saꞌan deꞌanau hayquwaappe denddana. Ajj 20:12; 21:4

10. Geeshsha Maxaafaa

A. Xoossaa Qaalay ayyaanaa kaaletuwan xaafettiis

Asati Xoossaa ayyaanay kaalettin xaafidosona. 2PHe 1:20, 21

An hiraagay deꞌees: Dane 8:5, 6, 20-22; Luq 21:5, 6, 20-22; Isi 45:1-4

Kumetta Geeshsha Maxaafay ayyaanaa kaaletuwan xaafettiis; qassi maaddees. 2Xim 3:16, 17; Roo 15:4

B. Ha wodiyan goꞌꞌiya kaaletuwaa oyqqiis

Geeshsha Maxaafaa maaraa kaallennaagee hayquwaa kaalettees. Roo 1:28-32

Asaa aadhida eratettay aara laggetenna. 1Qor 1:21, 25; 1Xim 6:20

Wolqqaama morkkiyaa eqettanau maaddees. Efi 6:11, 12, 17

Asaa suure ogiyan kaalettees. Maz 119:105; 2PHe 1:19; Lee 3:5, 6

C. Ubba biittaa asaunne ubba zariyau xaafettiis

Geeshsha Maxaafaa xaafiyoogaa doommiday Muusa. Kes 17:14; 24:12, 16; 34:27

Xoossay giigissiyoobay Awurooppaa asa xallaassa gidenna. Roo 10:11-13; Gal 3:28

Xoossay ubba qommo asaa mokki ekkees. Oos 10:34, 35; Roo 5:18; Ajj 7:9, 10

11. Haggaaziyaagaa

A. Ubba Kiristtaaneti haggaazana bessees

Yesuusi Xoossaayyo haggaaziis. Roo 15:8, 9; Maa 20:28

Kiristtaaneti a leemisuwaa kaalloosona. 1PHe 2:21; 1Qor 11:1

Haggaazuwaa polanau sabbakana bessees. 2Xim 4:2, 5; 1Qor 9:16

B. Haggaazuwau koyettiyaabaa

Xoossaa ayyaanaanne a Qaalaa eraa. 2Xim 2:15; Isi 61:1-3

Sabbakiyoogan Kiristtoosa leemisuwaa kaallite. 1PHe 2:21; 2Xim 4:2, 5

Xoossay ba ayyaanaanne ba dirijjitiyaa baggaara loohissees. Yoh 14:26; 2Qor 3:1-3

12. Hassayiyo Baalaa, Qurbbaanaa

A. Godaa Kahuwaa bonchiyoogaa

Layttan issitoo Paasikaa Baalaa gallassi bonchettees. Luq 22:1, 17-20; Kes 12:14

Kiristtoosi yarshsho gididi hayqqidoogaa hassayiyo gallassa. 1Qor 11:26; Maa 26:28

Saluwaa biyo hidootay deꞌiyoogeeti oyttaappe moosona, woyniyaappe uyoosona. Luq 22:29, 30; 12:32, 37

Issi uri bau he hidootay deꞌiyoogaa waatidi erii? Roo 8:15-17

B. Qurbbaanaa siraatay Geeshsha Maxaafaa timirtte gidenna

Nagaraa atotettaa demmanau suuttay gukkana koshshees. Ibr 9:22

Ooratta maachan gaannatiyay Kiristtoosa xalla. 1Xim 2:5, 6; Yoh 14:6

Kiristtoosi saluwan deꞌees; qeesee i saꞌaa yaanaadan oottana danddayenna. Oos 3:20, 21

Kiristtoosi zaaretti yarshsho gidana koshshenna. Ibr 9:24-26; 10:11-14

13. Haymaanootiyaa

A. Tumu haymaanootee issuwaa xalla

Issi hidootaa, issi ammanuwaa, issi xinqqatiyaa. Efi 4:5, 13

Erissiyo ashkkara oottanau azazoy imettiis. Maa 28:19; Oos 8:12; 14:21

Ayfiyo ayfiyan erettees. Maa 7:19, 20; Luq 6:43, 44; Yoh 15:8

Kaalliyaageetu giddon siiqoynne issippetettay deꞌees. Yoh 13:35; 1Qor 1:10; 1Yoh 4:20

B. Worddo timirttee iita geetettidoogee bessiyaaba

Yesuusi worddo timirttee iita gidiyoogaa yootiis. Yoh 13:35; 1Qor 1:10; 1Yoh 4:20

Hegaadan giidoy qooqeta maaddanaassa. Maa 15:14

Tumay eti aylletettaappe kiyidi Yesuusi erissiyo ashkkara gidanaadan oottiis. Yoh 8:31, 32

C. Issi uri ba haymaanootee worddo gidiyoogaa erikko laammiyoogee bessiyaaba

Tumay aylletettaappe kessees; daroti balidoogaa bessees. Yoh 8:31, 32

Israaꞌeelatinne harati bantta kase goynuwaa aggidosona. Yaa 24:15; 2Kaw 5:17

Beni Kiristtaaneti bantta qofaa laammidosona. Gal 1:13, 14; Oos 3:17, 19

PHauloosi ba haymaanootiyaa laammiis. Oos 26:4-6

Kumetta alamee cimettiis; issi uri ba qofaa laammana bessees. Ajj 12:9; Roo 12:2

D. “Ubba haymaanootee loꞌꞌobaa oottiyaaba” milatiyoogee Xoossaa ufayssiyoogaa bessenna

Xoossay goynniyo maaraa yootiis. Yoh 4:23, 24; Yaaq 1:27

Xoossaa sheniyaadan oottennabay loꞌꞌo gidenna. Roo 10:2, 3

“Loꞌꞌo ooso” giyoobay Xoossaa ufayssennaba gidana danddayees. Maa 7:21-23

Ayfiyo ayfiyan erettees. Maa 7:20

14. Haymaanootiyaa Walakkiyoogaa

A. Hara haymaanootetuura walahettiyoogaa Xoossay koyenna

Issi oge xalla, xuntta, amaridaageeti he ogiyan boosona. Efi 4:4-6; Maa 7:13, 14

Worddo timirttiyan hambbalaashettennaadan odettiis. Maa16:6, 12; Gal 5:9

Etappe shaahettanaadan azazettida. 2Xim 3:5; 2Qor 6:14-17; Ajj 18:4

B. “Ubba haymaanootiyan loꞌꞌobay deꞌees” giyoogee tuma gidenna

Issoti issoti xillobaa oottanau koyoosona; shin Xoossaa sheniyaadaana gidenna. Roo 10:2, 3

Iitabay loꞌꞌobaa moorees. 1Qor 5:6; Maa 7:15-17

Worddo asttamaareti bashshau kaalettoosona. 2PHe 2:1; Maa 12:30; 15:14

Geeshsha goynuwaa Xoossaa xallau goynnana bessees. Zaa 6:5, 14, 15

15. Hayquwaa

A. Hayquwaa gaasuwaa

Asay polo gididi, merinau deꞌanaadan merettiis. Doo 1:28, 31

Xoossau azazettibeennaagee hayquwaa kaalettiis. Doo 2:16, 17; 3:17, 19

Addaame naati ubbay nagaraanne hayquwaa laattidosona. Roo 5:12

B. Hayqqidaageetu hanotaa

Addaamee shemppo gididi merettiis, au shemppoy imettibeenna. Doo 2:7, NW; 1Qor 15:45, NW

Hayqqiyaagee shemppo, asa. Hiz 18:4; Isi 53:12; Iyy 11:20

Hayqqidaageeti aynne erokkona. Era 9:5, 10; Maz 146:3, 4

Hayqqidaageeti xiskkidosona, denddanau naagoosona. Yoh 11:11-14, 23-26; Oos 7:60

C. Hayqqidaageetuura haasayana danddayettenna

Hayqqidaageeti ayyaana gididi Xoossaa matan deꞌokkona. Maz 115:17; Isi 38:18

Hayqqidaageetuura haasayanau malennaadan odettiis. Isi 8:19; Wog 19:31

Hayqqida asaa ayyaanaa xeegiyoogee, qaadaa odiyoogee digettidaba. Zaa 18:10-12; Gal 5:19-21

16. Iitatettaa, Alamiyaa Metuwaa

A. Alamiyaa metuwaa ehiiday oonee?

Ha wodiyan deꞌiya metuwau gaasoy iita haaruwaa. Lee 29:2; 28:28

Ha alamiyaa haariyaagee Xoossaa morkke. 2Qor 4:4; 1Yoh 5:19; Yoh 12:31

Aayyeꞌana giissiyaabaa ehiiday Dabloosa, au attida wodee guutta. Ajj 12:9, 12

Dabloosi qashetti simmin daro sarotettaa demmana. Ajj 20:1-3; 21:3, 4

B. Iitatettay deꞌanaadan paqqadidoy aybissee?

Dabloosi Xoossay medhidobati ayyo ammanettidi deꞌokkona giidi mootiis. Iyy 1:11, 12

Ammanettida asay ammanettidaageeta gidiyoogaa bessanaadan hanotay injjetiis. Roo 9:17; Lee 27:11

Dabloosi worddancha gidiyoogee erettiis, denddida oyshay zaaruwaa demmana. Yoh 12:31

Ammanettidaageeti merinaa deꞌuwaa woytuwaa demmana. Roo 2:6, 7; Ajj 21:3-5

C. Wurssetta wodee gamꞌꞌidoogee Xoossaa maarotaa bessiyaaba

Nohe wodeegaadan, asay naagettanaadan yootanau wodiyaa koshshees. Maa 24:14, 37-39

Xoossay maariyaagaappe attin, pirddanau takkiyaagaa gidenna. 2PHe 3:9; Isi 30:18

Geeshsha Maxaafay nuuni akeekennan piriyan gelennaadan hassayissees. Luq 21:36; 1Tas 5:4

Iitabaappe attanaadan Xoossay giigissidobaa haꞌꞌi goꞌettite. Isi 2:2-4; Sof 2:3

D. Alamiyaa metuwaa qaaranay asa gidenna

Asay keehi yayyees, haniyoobaa xayees. Luq 21:10, 11; 2Xim 3:1-5

Ubbabaa giigissanay Xoossaa Kawotettaappe attin asa gidenna. Dane 2:44; Maa 6:10

Deꞌuwaa demmanau Kawuwaara haꞌꞌi sigettite. Maz 2:9, 11, 12

17. Ixuwaa, Yedetaa

A. Kiristtaaneta asay ixxiyo gaasuwaa

Yesuusa asay ixxiis, asay ixxanaagee kaseti odettiis. Yoh 15:18-20; Maa 10:22

Suure maaraa kaalliyoogee alamiyaa asaa iitatettaa qoncciyaa kessees. 1PHe 4:1, 4, 12, 13

Seexaanay ha saꞌaa xoossaa, i Xoossaa Kawotettaa eqettees. 2Qor 4:4; 1PHe 5:8

Kiristtaaneti yayyokkona, Xoossay eta naagees. Roo 8:38, 39; Yaaq 4:8

B. Machiyaa azinay o Xoossaappe shaakkanaadan paqqadana bessenna

Kasetidi odettiis; harati au bala gididabaa yootana danddayoosona. Maa 10:34-38; Oos 28:22

A Xoossaaranne Kiristtoosaara deꞌiya dabbotaa minttana koshshees. Yoh 6:68; 17:3

Ammanettidaaro gidiyoogan ba azinaakka ashshana danddayausu. 1Qor 7:16; 1PHe 3:1-6

Azinay huuphe, shin goynniyoogaa diggana danddayenna. 1Qor 11:3; Oos 5:29

C. Azinay Xoossaayyo oottiyoogaa machiyaa digganaadan paqqadana bessenna

Machiyoonne ba soo asaa siiqana bessees, eti deꞌuwaa demmanaadan koyees. 1Qor 7:16

Kuuyiyoonne koshshiyaabaa kunttiyo aawatettay deꞌees. 1Qor 11:3; 1Xim 5:8

Tumau exatiya uraa Xoossay siiqees. Yaaq 1:12; 5:10, 11

Sarotettan deꞌanau giidi ammanuwaa aggiyoogee Xoossaa ufayssenna. Ibr 10:38

So asay ooratta alamiyan ufayssan deꞌanaadan kaalettees. Ajj 21:3, 4

18. Kawotettaa

A. Xoossaa Kawotettay asaa naatuyyo ay oottanee?

Xoossaa shenee polettanaadan oottana. Maa 6:9, 10; Maz 45:6; Ajj 4:11

Kawoynne higgee deꞌiyo kawotetta. Isi 9:6, 7; 2:3; Maz 72:1, 8

Iitatettaa xayssana, kumetta saꞌaa haarana. Dane 2:44; Maz 72:8

1,000 laytta haaroy asaa naata polo oottana, biittaa Gannate oottana. Ajj 21:2-4; 20:6

B. Kiristtoosa morkketi deꞌishin he haaroy doommiis

Kiristtoosi hayquwaappe denddi simmidi daro wodiyau naagiis. Maz 110:1; Ibr 10:12, 13

Kawotiis, Seexaanaara olettiis. Maz 110:2; Ajj 12:7-9; Luq 10:18

Kawotettay he wode eqqiis, kaallidi saꞌau aayyeꞌana giissiyaabay haniis. Ajj 12:10, 12

Ha wodiyan deꞌiya metoy Xoossaa Kawotettau haꞌꞌi exatana koshshiyoogaa bessees. Ajj 11:15-18

C. Asa wozanan deꞌenna, asi baaxetidi ehiyooba gidenna

Xoossaa Kawotettay saꞌan gidennan saluwan deꞌees. 2Xim 4:18; 1Qor 15:50; Maz 11:4

Asa wozanan deꞌenna; Yesuusi hegaa yootidoy Parisaawetussa. Luq 17:20, 21

Ha alamiyaa bagga gidenna. Yoh 18:36; Luq 4:5-8; Dane 2:44

Kawotettatu sohuwaa oyqqana, alamiyaa maaraa laammana. Dane 2:44

19. Kiristtoosi Zaarettidi Yiyoogaa

A. A yuussay ayfiyan beettenna

Saꞌay zaarettidi a beꞌennaagaa erissiyo ashkkaratuyyo yootiis. Yoh 14:19

Saluwaa biyo wode erissiyo ashkkaratu xallay beꞌiis; zaarettidi yaanaykka hegaadaana. Oos 1:6, 10, 11

Saluwan, ayfiyan beettenna ayyaana gididi deꞌees. 1Xim 6:14-16; Ibr 1:3

Xoossaa Kawotettaa kawo gididi zaarettidi yaana. Dane 7:13, 14

B. Zaarettidi yiyoogee ayfiyan beettiyaaban qonccees

Erissiyo ashkkarati i qonccidi takkiyo wodiyau malaata gidiyaabaa oychidosona. Maa 24:3

Kiristtaaneti i qonccidoogaa ‘beꞌiyoy’ akeekiyoogaana. Efi 1:18

Polettiiddi deꞌiya darobati i qonccidoogau naqaasha. Luq 21:10, 11

Morkketi bashshay gakkiyo wode a “be7ana.” Ajj 1:7

20. Markkattiyoogaa

A. Ubba Kiristtaaneti markkattana, mishiraachuwaa yootana bessees

Nashettanau Yesuusabaa asa sinttan markkattana bessees. Maa 10:32

Xoossaa Qaalay yootiyoobaa oottana bessees, hegee ammaniyoogaa bessiyaaba. Yaaq 1:22-24; 2:24

Oorattatikka asttamaare gidana koshshees. Maa 28:19, 20

Asau yootiyoogee atotettaa demissees. Roo 10:10

B. Asaakko zaaretti zaarettidi baana, aggennan markkattana koshshees

Wurssettay matattidoogaa yootana bessees. Maa 24:14

Ermmaasi Yerusalaamee xayanaagaa daro layttau yootiis. Erm 25:3

Beni wode Kiristtaanetuugaadan yootiyoogaa aggana danddayokko. Oos 4:18-20; 5:28, 29

C. Suuttan ashettenna mala markkattana bessees

Gakkana haniya bashshaabaa yootana bessees. Hiz 33:7; Maa 24:14

Yootennan aggiyoogee suuttan ashettanaadan oottees. Hiz 33:8, 9; 3:18, 19

PHauloosi asa suuttan oyshettenna; tumaa aynne ashshennan yootiis. Oos 20:26, 27; 1Qor 9:16

Markkattiyaageekka siyiyaageekka attees. 1Xim 4:16; 1Qor 9:22

21. Masqqaliyaa

A. Yesuusa danobaa oottidabaadan kawushshidi mittaa bolli kaqqidosona

Yesuusi danobaa oottidaageeta kaqqiyoogaa mala mittaa bolli kaqettiis. Oos 5:30, NW; 10:39, NW; Gal 3:13

Kaqettiyo mittaa tookkiyoogee Kiristtaaneti kawushshiyaabay gakkiyo wode eeno giyoogaa bessees. Maa 10:38; Luq 9:23

B. Au goynnana koshshenna

Yesuusi kaqettido mittaa alleeqo ootti goꞌettiyoogee a kawushshiyaaba. Ibr 6:6; Maa 27:41, 42

Goynuwan masqqaliyaa goꞌettiyoogee eeqa goyno. Kes 20:4, 5; Erm 10:3-5

Yesuusi ayyaana, hanno gakkanau mittaa bolli kaqetti uttibeenna. 1Xim 3:16; 1PHe 3:18

22. Mayraamiyyo Goynniyoogaa

A. Mayraama Yesuusa aayyiyo, “Xoossaa aayyiyo” gidukku

Xoossaayyo doometti baawa. Maz 90:2; 1Xim 1:17

Mayraama Xoossaa Naꞌaa aayyiyo, hegee i saꞌan deꞌiyo wode. Luq 1:35

B. Mayraama ubba wode geelaꞌo gidada deꞌabeykku

A Yooseefa gelaasu. Maa 1:19, 20, 24, 25

Yesuusappe simmin hara naatakka yelaasu. Maa 13:55, 56; Luq 8:19-21

Eti he wode “ayyaanaaban a ishantta” gidokkona. Yoh 7:3, 5

23. Mayzza Aawatuyyo Goynniyoogaa

A. Mayzza aawatuyyo goynniyoogee aynne maaddenna

Mayzza aawati hayqqidosona, aynne erokkona. Era 9:5, 10

Mayzza aawatuyyo goynniyoogee bessiyaaba gidenna. Roo 5:12, 14; 1Xim 2:14

Hegaa mala goynuwaa Xoossay ixxees. Kes 34:14; Maa 4:10

B. Asaa bonchana danddayoos; shin Xoossaa xallau goynnana bessees

Yelagati gasttata bonchana koshshees. 1Xim 5:1, 2, 17; Efi 6:1-3

SHin goynnana bessiyoy Xoossaa xallaassa. Oos 10:25, 26; Ajj 22:8, 9

24. Meretaa

A. Tumu saynisiyaara maayettees; lodda laamee worddo gidiyoogaa bessees

Meretay kayan kayan merettido hanotay saynisiyaara maayettees. Doo 1:11, 12, 21, 24, 25

Xoossay meretaa “qommuwan qommuwan” medhiis giyoobay tuma. Doo 1:11, 12; Yaaq 3:12

B. Meretay merettido gallassati 24 saate gallassa gidokkona

“Gallassa” geetettidaagee amarida wode gidana danddayees. Doo 5:1, 2

Gallassay Xoossaa xeelan daro wode gidana danddayees. Maz 90:4; 2PHe 3:8

25. Misileta

A. Goynuwan misiliyaa goꞌettiyoogee Xoossaa kawushshiyaaba

Xoossaa misiliyaa medhana danddayettenna. 1Yoh 4:12; Isi 40:18; 46:5; Oos 17:29

Kiristtaaneti misiliyaa goꞌettennaadan odettiis. 1Qor 10:14; 1Yoh 5:21

Xoossaayyo ayyaanaaninne tumatettan goynnana bessees. Yoh 4:24

B. Misiliyau goynniyoogee Israaꞌeelatu bolli bashshaa kaalettiis

Ayhudati misiliyau goynnennaadan odettiis. Kes 20:4, 5

Siyana, haasayana danddayokkona; eta medhidaageeti etadan hanoosona. Maz 115:4-8

Pire gididosona, bashshaa kaalettidosona. Maz 106:36, 40-42; Erm 22:8, 9

C. Harabaa goꞌettidi Xoossau goynniyoogee bessennaba

Harabaa goꞌettidi ayyo goynnanaadan Xoossay koyenna. Isi 42:8

‘Woosaa siyiyaagee’ Xoossaa xalaala. Maz 65:1, 2

26. Nagaraa

A. Nagaray aybee?

Xoossaa higgiyaa, i kessido polo maaraa kanttiyoogaa. 1Yoh 3:4; 5:17

Asay Xoossaa mereta gidiyo gishshau an oyshettees. Roo 14:12; 2:12-15

Higgee nagaray aybakko qonccissiis, asay nagaraa eranaadan oottiis. Gal 3:19; Roo 3:20

Ubba asay nagaraa oottiis, Xoossay kessido polo maaraa naagana danddayenna. Roo 3:23; Maz 51:5

B. Ubba asay Addaame nagaraa gaasuwan tuggatiyoy aybissee?

Addaamee nagaraanne hayquwaa ubba asaa laatissiis. Roo 5:12, 18

Xoossay asaa naata danddayidi maarotaa bessiis. Maz 103:8, 10, 14, 17

Yesuusa yarshshoy nagaraa atto giissees. 1Yoh 2:2

Nagaraynne Dabloosa ooso gidida hara ubbabay xayana. 1Yoh 3:8

C. Mooppite giido mittaa ayfiyaa miyoogee asho gaytotettaa poliyoogaa gidennan, azazettennaagaa bessiyaaba

Mittaa ayfiyaa meennaadan yootidoy Hewaana merettanaappe kase. Doo 2:17, 18

Xoossay Addaameenne Hewaana naata yelanaadan yootiis. Doo 1:28

Naati nagaraa gaasuwan yelettiyaaba gidennan Xoossaa imota. Maz 127:3-5

Hewaana azinay baynnasan nagaraa oottaasu; ba sheniyaadan kuuyaasu. Doo 3:6; 1Xim 2:11-14

Huuphe gidiya Addaamee Xoossaa higgiyaa kanttiis. Roo 5:12, 19

D. Geeshsha ayyaanaa bolli oottiyo nagaray aybee? (Maa 12:32; Mar 3:28, 29)

Laattido nagaray hegaa mala gidenna. Roo 5:8, 12, 18; 1Yoh 5:17

Issi uri ayyaanaa azzanissikkokka, ba nagaraappe simmana danddayees. Efi 4:30; Yaaq 5:19, 20

Eriiddi nagaraa oottiyoogee hayquwaa kaalettees. 1Yoh 3:6-9

Xoossay hegaa mala uraa bolli pirddees, ba ayyaanaa ekkiichees. Ibr 6:4-8

Nagaraappe simmenna hegaa mala asatuyyo nuuni woossana koshshenna. 1Yoh 5:16, 17

27. Pattiyoogaa, Dumma Dumma Qaalan Haasayiyoogaa

A. Ayyaanaaban pattiyoogee merinaa goꞌꞌaa demissees

Ayyaanaaban harggiyoogee bashshaa kaalettees. Isi 1:4-6; 6:10; Hoo 4:6

Ayyaanaaban pattiyoogee oottana koshshiya waannaba. Yoh 6:63; Luq 4:18

Nagaraappe geeshshees; ufayssaanne deꞌuwaa demissees. Yaaq 5:19, 20; Ajj 7:14-17

B. Xoossaa Kawotettay harggiyaappe merinau paxanaadan oottana

Yesuusi harggidaageeta pattiis, Kawotettay ehiyo anjjuwaa asau yootiis. Maa 4:23

Kawotettaa baggaara harggiyaappe merinau paxanaagee kaseti odettiis. Maa 6:10; Isi 9:7

Hayqqoykka xayana. 1Qor 15:25, 26; Ajj 21:4; 20:14

C. Ha wodiyan pattoos giyaageeta Xoossay maaddiyoogaa bessiyaabi baawa

Erissiyo ashkkarati banttau paxanau maalaalissiyaabaa oottibookkona. 2Qor 12:7-9; 1Xim 5:23

Kiitettidaageetu wodiyaappe simmin maalaalissiyaabaa oottiyo imotay attiis. 1Qor 13:8-11

Pattiyoogee Xoossay maaddiyoogaa bessiyaaba gidenna. Maa 7:22, 23; 2Tas 2:9-11

D. Dumma dumma qaalan haasayiyoogee guutta wodiyau imettidaba

Malaata gidiis; ubbaappe aadhiya imotaa koyana bessees. 1Qor 14:22; 12:30, 31

Maalaaliyaabaa oottiyo, ayyaanaa imotay attanaagee kasetidi odettiis. 1Qor 13:8-10

Maalaaliyaabaa oottiyoogee Xoossay maaddiyoogaa bessiyaaba gidenna. Maa 7:22, 23; 24:24

28. Qaadaa

A. Asa qaaday kasetidi kuuyettibeenna

Xoossaa halchoy polettiyoogee attenna. Isi 55:11; Doo 1:28

Asi Xoossau oottanau doorana danddayees. Yoh 3:16; Pili 2:12

29. Saluwaa

A. Saluwaa biyaageeti 144,000 xalla

Qooday guutta; Kiristtoosaara kawotana. Ajj 5:9, 10; 20:4

Koyroy Yesuusa; hegaappe simmin harati doorettidosona. Qol 1:18; 1PHe 2:21

Hara daroti saꞌan deꞌana. Maz 72:8; Ajj 21:3, 4

144,000 asati hara ooninne demmibeenna dumma maataa demmidosona. Ajj 14:1, 3; 7:4, 9

30. Sambbataa

A. Kiristtaaneti Sambbataa bonchanaadan azazettibookkona

Yesuusa hayquwan Higgee shaarettiis. Efi 2:15

Kiristtaaneti Sambbataa bonchanaadan azazettibookkona. Qol 2:16, 17; Roo 14:5, 10

Sambbataanne harabaa bonchidaageetussi seeray odettiis. Gal 4:9-11; Roo 10:2-4

Xoossaa Sambbata shemppuwaa geliyoy ammanuwaananne azazettiyoogaana. Ibr 4:9-11

B. Sambbataa bonchanaadan azazettidaageeti beni Israaꞌeelatu xalla

Sambbataa bonchiyoogaa doommidoy Gibxxeppe kiyi simmiina. Kes 16:26, 27, 29, 30

Israaꞌeelatu xallau malaata gididi imettiis. Kes 31:16, 17; Maz 147:19, 20

Sambbata layttaa bonchanaadankka Higgee azazees. Kes 23:10, 11; Wog 25:3, 4

Kiristtaaneti Sambbataa bonchanaadan azazettibookkona. Roo 14:5, 10; Gal 4:9-11

C. Xoossaa Sambbata shemppuwaa (meretaa medhido “saaminttaa” 7tta gallassaa)

Saꞌan deꞌiyaabaa medhidi wurssiyo wode doommiis. Doo 2:2, 3; Ibr 4:3-5

Yesuusi saꞌan deꞌiyo wodekka wuribeenna. Ibr 4:6-8; Maz 95:7-9, 11

Kiristtaaneti yaaretidi oottiyoobaappe shemppoosona. Ibr 4:9, 10

Xoossaa Kawotettay saꞌan oottiyoobaa poliyo wode wurees. 1Qor 15:24, 28

31. SHemppuwaa

A. SHemppoy aybee?

Asi shemppo. Doo 2:7, NW; 1Qor 15:45, NW; Yaaq 5:20

SHemppuwau suuttay deꞌees, mees, hayqqana danddayees. Erm 2:34, NW; Wog 7:18, NW; Hiz 18:4

Paxa deꞌiya asau shemppoy deꞌiyaabadan odettiis. Mar 8:36

B. SHemppuwaanne ayyaanaa dummatettaa

Paxa deꞌiya uri woy mereti shemppo. Yoh 10:15, NW; Wog 17:11, NW

SHemppoy deꞌuwan deꞌanaadan oottiya wolqqay “ayyaanaa” geetettees. Maz 146:4, NW; 104:29, NW

Deꞌuwan deꞌanaadan oottiya wolqqay issi uri hayqqiyo wode Xoossaakko simmees. Era 12:7, NW

Deꞌuwaa wolqqaa immana danddayiyay Xoossaa xalla. Hiz 37:12-14

32. Sillaasiyaa

A. Xoossay Aaway issi a xalla, ubbabaappe gita

Xoossay heezza gidenna. Zaa 6:4; Mil 2:10; Mar 10:18; Roo 3:29, 30

Naꞌay merettiis; kase Xoossay barkka deꞌees. Ajj 3:14; Qol 1:15; Isi 44:6

Xoossay ubba wodiyan ubbabaa haariyaagaa. Pili 2:5, 6; Dane 4:35

Xoossaa ubbaappe xoqqu xoqqu oottana bessees. Pili 2:10, 11

B. Naꞌay saꞌaa yaanaappe kasekka yi simmidikka Aawaappe guuxxees

Naꞌay saluwan deꞌiiddi azazettees, Aaway a saꞌaa kiittiis. Yoh 8:42; 12:49

Saꞌan deꞌiiddikka azazettiis, Aaway appe darees. Yoh 14:28; 5:19; Ibr 5:8

Saluwaa bi simmin Xoossay keehi xoqqu xoqqu oottiis, gidikkokka haarettees. Pili 2:9; 1Qor 15:28; Maa 20:23

Yihooway Kiristtoosau huuphenne Xoossa. 1Qor 11:3; Yoh 20:17; Ajj 1:6

C. Xoossaynne Kiristtoosi issuwaa gididoy aybiinee?

Ubba wode ubbaban maayettoosona. Yoh 8:28, 29; 14:10

Issuwaa gididoy azinaanne macheegaa mala hanotaana. Yoh 10:30; Maa 19:4-6

Ammaniya ubbay hegaadan issuwaa gidana bessees. Yoh 17:20-22; 1Qor 1:10

Kiristtoosa baggaara merinau Yihoowa xallau goynnana. Yoh 4:23, 24

D. Xoossaa ayyaanay i ubbabaa oottanau goꞌettiyo wolqqa

Wolqqa, bolli deꞌiyooba gidenna. Maa 3:16; Yoh 20:22; Oos 2:4, 17, 33

Bolli deꞌin saluwan Xoossaaranne Kiristtoosaara deꞌiyaaba gidenna. Oos 7:55, 56; Ajj 7:10

Xoossay ba halchuwaa polanau goꞌettees. Maz 104:30, NW; 1Qor 12:4-11

Xoossaayyo oottiyaageetussi imettees; eta kaalettees. 1Qor 2:12, 13; Gal 5:16

33. Siꞌooliyaa (Heydis)

A. Taman qaxxayettiyo soho gidenna

Tuggatiya Iyyoobi siꞌooliyaa baanau woossiis. Iyy 14:13

Aybanne oottenna soho. Maz 6:5; Era 9:10; Isi 38:18, 19

Yesuusi duufuwaappe, siꞌooliyaappe denddiis. Oos 2:27, 31, 32; Maz 16:10

Siꞌoolee ba giddon deꞌiya hayqqidaageeta immana, xayana. Ajj 20:13, 14

B. Tamay xayuwaa leemiso

Hayqqidi xayiyoogee taman leemisettiis. Maa 25:41, 46; 13:30

Bantta nagaraappe simmenna iitati taman xayiyoogaadan merinau xayana. Ibr 10:26, 27

Seexaanay taman ‘paxa kaaꞌettiyoogee’ merinau xayiyoogaa bessees. Ajj 20:10, 14, 15

C. Dure bitaniyaabaanne Alꞌꞌaazarabaa odiya taarikee merinaa qixaatee deꞌiyoogaa bessiyaaba gidenna

Abrahaama matan deꞌiyoogee leemiso gidiyoogaadan tamaykka leemiso. Luq 16:22-24

Leemiso hanotan Abrahaaman nashettennaageeti xuman deꞌiyaabadan qoncciis. Maa 8:11, 12

Baabilooni xayoy taman tuggatiyoogaa geetettiis. Ajj 18:8-10, 21

34. Suuttaa

A. Suuttaa ekkiyoogee woy immiyoogee suuttaa bonchoba oottidi xeellennaagaa bessees

Suuttay bonchoba, deꞌo gidiyoogee Noheyyo odettiis. Doo 9:4, 16

Higgiyaa maachay suuttaa meennaadan diggees. Wog 17:14; 7:26, 27

Kiristtaanetikka suuttaa uyennaadan azazettidosona. Oos 15:28, 29; 21:25

B. SHemppo ashshana giidi Xoossaa Higgiyaa kanttiyoogee likke gidenna

Azazettiyoogee yarshshiyoogaappe aadhees. 1Sam 15:22; Mar 12:33

SHemppuwaa Xoossaa higgiyaappe xoqqu oottidi xeelliyoogee hayquwaa kaalettiyaaba. Mar 8:35, 36

35. Wodiyaa Qoodaa

A. 1914n (M.L.) Ayhuda gidenna asaa wodee polettiis

Daawita zare gidida kawoti haariyoogee 607 K.K. attiis. Hiz 21:25-27

Zaaretti haariyoogaa doommanaashin “laappun laittai” aadhana. Dane 4:32, 16, 17

Laappuna = 2 × 3 ¹/2 laytta, woy 2 × 1,260 gallassa. Ajj 12:6, 14; 11:2, 3

Issi gallassay issi laytta. [2,520 laytta gidees] Hiz 4:6; Qoo 14:34

Kawotettay eqqiyo wode wurees. Luq 21:24; Dane 7:13, 14

36. Woosa Keettaa

A. Ayyaana woosa keetta; Kiristtoosa bolli keexettiis

Xoossay asi keexxido beeta maqidasiyan deꞌenna. Oos 17:24, 25; 7:48

Tumu woosa keettay deꞌo shuchan keexettida ayyaana beeta maqidase. 1PHe 2:5, 6

Kiristtoosi godaa xaphuwaa minttiya shucha; kiitettidaageeti appe kaalliya baaso. Efi 2:20

Ayyaanaaninne tumatettan Xoossau goynnana bessees. Yoh 4:24

B. Woosa keettay PHeexiroosa bolli keexettibeenna

Yesuusi woosa keettay PHeexiroosa bolli keexettees gibeenna. Maa 16:18

Yesuusi ‘shucha’ geetettiis. 1Qor 10:4

PHeexiroosi Yesuusi baaso gidiyoogaa yootiis. 1PHe 2:4, 6-8; Oos 4:8-12

37. Woosaa

A. Xoossay siyiyo woosaa

Xoossay asaa woosaa siyees. Maz 145:18; 1PHe 3:12

Nagarancha uri ba nagaraappe simmana xayikko Xoossay a woosaa siyenna. Isi 1:15-17

Yesuusa sunttan woossana bessees. Yoh 14:13, 14; 2Qor 1:20

Xoossay koyiyoogaadan woossana bessees. 1Yoh 5:14, 15

Ammanoy keehi koshshees. Yaaq 1:6-8

B. Mela biddiyoogee, Mayraamikko woy geeshshata giyo haratukko woossiyoogee aynne maaddenna

Xoossaakko Yesuusa sunttan woossana bessees. Yoh 14:6, 14; 16:23, 24

Mela biddiyoogaa Xoossay siyenna. Maa 6:7

38. Wordduwaa Hananabaa Yootiyaageeta

A. Wordduwaa hananabaa yootiyaageeti denddanaagee kasetidi odettiis; kiitettidaageetu wode deꞌoosona

Wordduwaa hananabaa yootiyaageeta shaakki erissiyaabaa. Zaa 18:20-22; Luq 6:26

Kasetidi odettiis; ayfiyo ayfiyan erettoosona. Maa 24:23-26; 7:15-23

39. Wozuwaa

A. Yesuusi “daro asaa wozanau” ba deꞌuwaa yarshshiis

Yesuusi ba deꞌuwaa wozo oottidi yarshshiis. Maa 20:28

Gukkida suuttay nagaraa atto giissees. Ibr 9:14, 22

Issitoo yarshshido yarshshoy ubba wodiyau gidees. Roo 6:10; Ibr 9:26

Goꞌꞌaa coo demmokko; ammanana bessees. Yoh 3:16

B. Bixe waagaa

Addaamee polo asa gididi merettiis. Zaa 32:4; Era 7:29; Doo 1:31

Nagaraa oottidi baappenne ba naatuppe polo deꞌoy halanaadan oottiis. Roo 5:12, 18

Naati banttana ashshana danddayokkona; Addaameera bixe gidida uraa koshshees. Maz 49:7; Zaa 19:21

Yesuusi wozanau ba polo deꞌuwaa immiis. 1Xim 2:5, 6; 1PHe 1:18, 19

40. Wurssetta Gallassaa

A. Ha alamiyaa wurssettay aybee?

Ha iita alamiyan deꞌiyaabay xayiyoogaa. Maa 24:3; 2PHe 3:5-7; Mar 13:4

Biittay xayenna, shin iitatettay xayees. 1Yoh 2:17

Wurssetta wodee bashshaappe kasetees. Maa 24:14

Xilloti attana; kaallidi ooratta alamee yaana. 2PHe 2:9; Ajj 7:14-17

B. Wurssetta gallassaa malaatata beegotti naagana koshshees

Nuuyyo kaaleto gidanaadan Xoossay malaataa yootiis. 2Xim 3:1-5; 1Tas 5:1-4

Alamiyaa asay hegee keehi hirggissiyaaba gidiyoogaa akeekibeenna. 2PHe 3:3, 4, 7; Maa 24:39

Xoossay takkenna, naagettanaadan yootees. 2PHe 3:9

Beegotti naagiyoogee woytuwaa demissees. Luq 21:34-36

41. Xinqqatiyaa

A. Kiristtaanetuppe koyettiyaaba

Yesuusi leemiso gidees. Maa 3:13-15; Ibr 10:7

Bana yeggi bayiyoogaa woy geppiyoogaa bessees. Maa 16:24; 1PHe 3:21

Tamaaridobaa oosuwan peeshshiya asatu xallay xammaqettees. Maa 28:19, 20; Oos 2:41

Haattan muukettana bessees. Oos 8:38, 39; Yoh 3:23

B. Nagaraappe geeshshenna

Yesuusi xammaqettidoy nagaraappe geeyanaassa gidenna. 1PHe 2:22; 3:18

Yesuusa suuttay nagaraappe geeshshees. 1Yoh 1:7

42. Yesuusa

A. Yesuusi Xoossaa Naꞌaa, qassi sunttettida Kawo

Xoossaayyo bayra naꞌaa, hara ubbabay a baggaara merettiis. Ajj 3:14; Qol 1:15-17

Asa gididi maccaasappe yelettiis, kiitanchatuppe garssa gidiis. Gal 4:4; Ibr 2:9

Xoossaa ayyaanan yelettiis, hegaappe simmin saluwaa bees. Maa 3:16, 17

Asa gidanaappe kase deꞌiya bonchuwaappe xoqqa bonchoy imettiis. Pili 2:9, 10

B. Yesuusan ammaniyoogee atotettaa demmanau koshshiya waannabaa

Kiristtoosi qaalaa gelido Abrahaama Zerettaa. Doo 22:18; Gal 3:16

Qeesetu Ubbaa Halaqay Yesuusa xalla, woziyaagaa. 1Yoh 2:1, 2; Ibr 7:25, 26; Maa 20:28

Xoossaanne Kiristtoosa eriyoogeenne azazettiyoogee deꞌuwaa demissees. Yoh 17:3; Oos 4:12

C. Yesuusan ammaniyoogaa xallay gidenna

Ammanuwaa oosuwan bessana koshshees. Yaaq 2:17-26; 1:22-25

A azazuwaa azazettana, qassi i oottidobaa oottana bessees. Yoh 14:12, 15; 1Yoh 2:3

Godaa sunttaa xeesiya ubbay Xoossaa Kawotettaa gelenna. Maa 7:21-23

43. Yihoowa Markkata

A. Yihoowa Markkatu doomettaa

Yihooway ba markkati oonakko erissiis. Isi 43:10-12; Erm 15:16

Ammanettida markkatuppe koyroogee Aabeela. Ibr 11:4, 39; 12:1

Yesuusi ammanettidanne tumancha markka. Yoh 18:37; Ajj 1:5; 3:14

44. Yihoowa, Xoossaa

A. Xoossaa sunttaa

“Xoossaa” giyaagee dummayidi erissiya suntta gidenna; nu Godaassi a xallay xeesettiyo sunttay deꞌees. 1Qor 8:5, 6

Nuuni a sunttay bonchettanaadan woossoos. Maa 6:9, 10

Yihooway Xoossaa sunttaa; shin asay issi issi Geeshsha Maxaafaa birshshettaappe kessiis. Maz 83:18; Kes 6:2, 3; 3:15; Isi 42:8

Yesuusi Xoossaa sunttaa asaa erissiis. Yoh 17:6, 26; 5:43; 12:12, 13, 28

B. Xoossay deꞌees

Xoossaa beꞌidi paxa deꞌana danddayettenna. Kes 33:20; Yoh 1:18; 1Yoh 4:12

Xoossaa ammananau a beꞌana koshshenna. Ibr 11:1; Roo 8:24, 25; 10:17

Xoossay ba medhido beettiyaaban erettees. Roo 1:20; Maz 19:1, 2

Hiraagay polettiyoogee Xoossay deꞌiyoogaa bessees. Isi 46:8-11

C. Xoossaa eeshshata

Xoossay siiqo. 1Yoh 4:8, 16; Kes 34:6; 2Qor 13:11; Mik 7:18

A aadhida eratettau zawi baawa. Iyy 12:13; Roo 11:33; 1Qor 2:7

Suure pirddees. Zaa 32:4; Maz 37:28

Ubbabaa danddayiyaagaa, wolqqau zawi baawa. Iyy 37:23; Ajj 7:12; 4:11

D. Ubba asay haggaaziyoy issi Xoossaassa gidenna

Loꞌꞌo milatiya ogee likke gidennan aggana danddayees. Lee 16:25; Maa 7:21

Naaꞌꞌu ogee deꞌees, issuwaa xallay deꞌuwau efees. Maa 7:13, 14; Zaa 30:19

Daro xoossati deꞌoosona, shin tumu Xoossay issuwaa xalla. 1Qor 8:5, 6; Maz 82:1

Tumu Xoossaa eriyoogee deꞌuwaa demmanau koshshiya waannaba. Yoh 17:3; 1Yoh 5:20