Haggaazuwan Kaseegaappe Qara Gidiyoogaa—Zalꞌꞌe Heeran Markkattiyoogaa

Hegee Keehi Koshshiyoy Aybissee? Daro asay adussa saatiyawu oottiyo gishshawu, darotoo etawu Kawotettaa mishiraachuwaa yootanawu eti oottiyoosaa biyoogee loꞌꞌo. Ubba asatakka eti oottiyoosan demmana danddayiyo gishshawunne eti nuna issibaa shammanawu yiiddabadan qoppidi pashkki gi sarotiyo gishshawu, zalꞌꞌe heeran markkattiyoogee ufayssiyaabanne loꞌꞌo ayfe demmiyooba gidana danddayees. Loꞌꞌo ayfiyaa demmanawu, aassiyaageeti akeekanchanne hiillancha, qassi maayiyoobaaninne alleeqettiyooban leemiso gidana bessees. (2 Qor. 6:3) Hegaa gishshawu, zalꞌꞌe heeran haggaaziyo wodiyaanne yan ooni haggaazanaakko haggaazuwaa xomoosiya ishay kuuyana koshshees.