XOOSSAA QAALAN DEꞌIYA ALꞌꞌOBAA | IYYOOBA 6-10
Ammanettida Asa Gidida Iyyoobi Ba Waayiyaa Yootiis
Iyyoobi manqqiis, i siiqiyoogeeti hayqqin azzaniisinne keehi sahettiis; gidikkokka, Xoossawu ammanettidi deꞌiis. Hegaa gishshawu, Seexaanay Iyyoobi hidootaa qanxxidi Xoossawu ammanettiyoogaa agganaadan oottanawu maliis. Heezzu “laggeti” akko yiidosona. Koyro, eti ayyo qarettiyoogaa issi issiban bessidosona. Yaatidi, eti qaala qaattennan, ubba minttettiyaaba aybanne haasayennan laappun gallassi Iyyoobaara uttidosona. Hegaappe simmin eti haasayidoban ubban Iyyooba mootidosona.
Iyyoobi keehi waayettikkonne Yihoowawu ammanettidi deꞌiis
6:3; 7:16; 9:20-22; 10:1, 12
Iyyoobi keehi azzanidoogaappe denddidaagan balabaa qoppiis. Iyyoobi i ubbatoo Xoossan ammanettin aggin Xoossawu aybinne siyettenna giidi balabaa qoppiis
Iyyoobi hidootaa qanxxido gishshawu, bana gakkida waayiyawu gaaso gidana danddayiyaabaa qoppibeenna
Iyyoobi keehi azzanikkonne, i Yihoowa siiqiyoogaa bana mootiyaageetuyyo yootiis