XINAATE 1

Loytti Erissiyoogaa

Oosuwaa 17:22

TAMAARANABAA: Neeni erissuwan yootiyoobay ezggiyaageeta denttettana, ne haasayana koyiyo waanna qofaa erissananne hegee eti siyana bessiyaaba gidiyoogaa qonccissana bessees.

WAATANA DANDDAYAY?

Koyanaadan denttetta. Ezggiyaageeti ufayttidi siyanaadan oottiya oyshaa, qofaa, deꞌon hanidabaa woy oduwaa yoota.

Ezggiyaageeti siyanawu koyiyoobaa woy eta qofissiyaabaa kaseta qoppada erissiyo wode hegaara gayttidabaa yoota.
Waannaa qofaa qonccissa. Neeni erissiyo wode yootiyooban waanna qofaynne hegaa halchchoy ezggiyaageetussi qoncce gidanaadan ootta.
Yootiyoobay keehi koshshiyoogaa qonccissa. Ne yootiyoobaa ezggiyaageetussi maaddiya ogiyan yoota. Ne yootiyoobay eta waati maaddanaakko eti loytti akeekanaadan ootta.

Haasayaa giigettiyo wode, ‘Nu gubaaꞌiyan deꞌiya ishatinne michchoti ay mala hanotan deꞌiyoonaa?’ gaada nena oychcha. Yaatada, eta maaddiya qofaa erissuwan yoota.