Ha Geeshsha Maxaafaa timirttetun keehi goꞌettanawu waatana danddayay?

Attamettiyo Meran Giigidaagaa

Issi uri nena maaddanaadan oychcha: Geeshsha Maxaafaa xannaꞌanawu koyikko, ha brooshuriyaa neeyyo immida ura oychcha, woy jw.org giyo nu websaytiyan deꞌiya qitsiyaa kuntta.

KOYRO SHAAHUWAA

Borxxu giidi xaafettida oyshata (A) gujjada menttota ubbaanne waanna qofata qonccissiya xiqiseta (B) nabbaba. Amarida xiqiseti “nabbaba” woy “nabbabite” geetettidoogaa akeeka.

Timirttiyawu koyro shaahuwan A qassi B ay qonccissiyaakko bessiyaabaa.

GIDDO SHAAHUWAA

Loytta Akeeka giyaagan deꞌiya koyro qofay (C) kaallidi qonccissanabaa yootees. Sima huuphe yohoti (D) waanna qofata erissoosona. Xiqiseta nabbaba, oyshata zaara, qassi biidota (E) beꞌa.

Timirttiyawu giddo shaahuwan C, D, qassi E ay qonccissiyaakko bessiyaabaa.

Misiletanne misiletu qonccissota (F) loytta akeeka, qassi Issi Issi Asay Giyoobawu (G) woyga zaaranaakko qoppa.

Timirttiyawu giddo shaahuwan F qassi G ay qonccissiyaakko bessiyaabaa.

WURSSETTA SHAAHUWAA

Ay Akeekadii? qassi Zaaretuwaa (H) giyaageetun timirttee kuuyettees. Timirttiyaa wurssido gallassaa xaafa. Halchchanabaa (I) giyaagee ne oottanabaa yootees. Neeni gujjada nabbabanawu woy beꞌanawu koyiyoobati Pilgga (J) giyaagan deꞌoosona.

Timirttiyawu wurssetta shaahuwan H, I, qassi J ay qonccissiyaakko bessiyaabaa.

Geeshsha Maxaafan deˈiya issi sinttan A, B, qassi C, ay qonccissiyaakko bessiyaabaa.

Xiqisiyaa waati koyana danddayiyoo?

Geeshsha Maxaafan deꞌiya maxaafay (A), shemppoy (B), qassi paydoy woy paydoti (C) xiqisiyaa bessoosona. Leemisuwawu, Yohaannisa 17:3y Yohaannisa maxaafaa, shemppo 17, paydo 3 bessees.