Melferd Sawund
BIITTAANNE ASAA
Niwu Ziilande Xomoosiyoogaa
MAꞌORI giyo zaree ano abbaa kanttidi shaꞌan qoodettiya kilo meetiriyaa biidi Niwu Ziilande biittan qatoosappe 800 laytta heera gidees. He heeray eti aggidi biido hombbiyaa Polenezhiyaa haruuruwaappe keehi dummatiyoogaa akeekidosona. He sohuwan deree, deriyaappe loddan loddan solddiya kuurettida shachay, qassi bilbboynne shachay deꞌees. Ichashu xeetu laytta gidiya wodiyaappe guyyiyan, Awurooppan haahosaappe hara sheeshshati deꞌanawu yaa biidosona. Ha wodiyan Niwu Ziilande asaappe dariya baggay Anglo Saksene wogaanne Polenezhiyaa wogaa kaallees. He biittaa asaappe xeetaappe 90 kushe gidiyaagee kataman deꞌees. Biittaayyo tohossa baggaara deꞌiya katamatu ubbaappe Welngtene katamay dummatanaadan oottiyaabay deꞌees.
Huuphessa Haruuruwan dagattida bulibuliya urqqaa
Niwu Ziilande haahuwan deꞌiya biitta gidikkonne, yan keehi loꞌꞌiya darobay deꞌiyo gishshawu, layttan layttan heezzu miiloone gidiya asay he biittaa beꞌanawu biyoogee garamissiyaaba gidenna.
Silver fern giyo mittay 10 meetiriyaappe dariyaagaa aduqqana danddayees
Paallana danddayenna takahe giyo kafoy 1948 gakkanaassi muleera xayidabadan qofettees
Niwu Ziilanden daro qommo doꞌati, alamiyan harasan deꞌiyaagaappe daro qommo paallana danddayenna kafoti deꞌoosona. Qassi he biittay tuꞌatara giyo 100 gidiya layttaa deꞌana danddayiya, saꞌaara gooshettiya zare mala meretay deꞌiyo soho! Xanttiya doꞌatuppe amarida wurkkaawurkko qommoti, qassi haattan deꞌiya xanttiya huwel giyoonne dolfin giyo gita mole qommoti he biittan deꞌoosona.
Yihoowa Markkati Niwu Ziilande biittan minnidi haggaaziyoogaa doommoosappe 120 laytta gidiis. Eti Polenezhiyaa qaala gidida Nyuwan qaalan, Raratangan, Samoꞌaaninne Tongan giyo qaalata gujjin, 19 qaalan Geeshsha Maxaafaa tamaarissoosona.
Maꞌori giyo zareti bantta wogaa maayuwaa maayidi yexxoosona