Taarikiyan Xoqqa Sohoy Imettiyo Gallassaa

Hegee Yesuus Kiristtoosi hayqqido gallassaa. Yesuusa hayquwau hegaa keena xoqqa sohoy imettiyoy aybissee? Hegau daro gaasoy deꞌees.

Yesuusi hayqqana gakkanau ammanettidoogee, asi Xoossaa sinttan ba suuretettaa naagana danddayiyoogaa qonccissiis.

Asaa naatuppe amaridaageeti Kiristtoosaara saluwan issippe haariyaageeta gidanaadan a hayqoy injjiyaa medhiis. Hegaa bollankka, gannate saꞌan merinau deꞌanaadan hara darotuyyo ogiyaa dooyiis.

Yesuusi hayqqanaappe kase omarssi, siiquwan yarshsho oottiyo ba ashuwaanne ba suuttaa malaatiya, irshshoy gelibeenna oyttaanne zoꞌo woyniyaa goꞌettidi, ba erissiyo ashkkarata: “Hagan tana hassayite” yaagiis. (Luqaasa 22:19) Ha keehippe xoqqu oottidi xeelliyo hanotaa hassayiyo sohuwan neeni beettuutii?

Yesuusa hayquwaa Hassayiyo Baalaa etaara bonchanaadan Yihoowa Markkati nena wozanappe shoobboosona. Ha laytti he baalay bonchettiyoy Hamuusa, Hosppune 9, 2009 (Hosppune 1, 2001) away wulli simmiina. Ne heeran deꞌiya Kawotettaa Addaraashshaa baada he baalaa bonchana danddayaasa. Bonchiyo saatiyaanne sohuwaa eranau hayyanaa ne heeran deꞌiya Yihoowa Markkata oycha.