Neeni Bonchana Koshshiyo Baalaa

Yesuusi ba deꞌuwaa aatti immanaappe kase qammi, bana kaalliya ammanettidaageeti i yarshsho gididoogaa hassayanaadan yootiis. Irshshoy baynna oyttaanne zoꞌo woyniyaa eta sintti aattidi, Godaa Kahuwaa giyo baalaa bonchana mala, “Hagan tana hassayite” yaagidi azaziis.—Luqaasa 22:19.

Yihoowa Markkati alame yuushuwan layttan layttan Yesuusa hayquwaa hassayanau issippe shiiqoosona. Ha laytti Godaa Kahoy Saynno, Hosppune 14, 2014n (Hosppune 8, 2006) away wulli simmin bonchettees.

Neeni he sohuwaa yaanaadan bonchuwan shoobboos; Yesuusi yarshsho gididi hayqqidoogaa goꞌꞌaa xeelliyaagan neeni darobaa yan tamaarana. Hegau miishsha qanxxakka. Muxuwaatay shiiqenna. Intte heeran Godaa Kahoy bonchettiyo saatiyaa woy sohuwaa neeyyo ha maxeetiyaa immida uray yootana danddayees; woykko jw.org giyo nu Weyb sayttiyaa xomoosana danddayaasa. Hayyanaa hegaa masttooshan xaafa oyqqa; neeni he baalaa bonchanau yaanaagaa hidootan naagoos.