SINTTA HUUPHE YOHUWAA | XOOSSAAKKO SHIIQANA DANDDAYAASA
Hegaappe Kehiya Deꞌoy Baawa
Xoossaa dabbo gidanawu ay oottana danddayay? Xoossawu mata dabbo gidanawu neeni oottana danddayiyo amaridabaa beꞌida.
Yihoowa giyo Xoossaa sunttaa era, qassi a sunttaa goꞌetta.
Woossiyoogaaninne a Qaalaa Geeshsha Maxaafaa xannaꞌiyoogan ubba gallassi aara haasaya.
Muletoo Yihoowa ufayssiyaabaa ootta.
Xoossaa sunttaa goꞌettiyoogan, akko woossiyoogan, a Qaalaa xannaꞌiyoogaaninne a ufayssiyaabaa oottiyoogan a dabbo gida
Hagaa maaran, neeni Xoossaa dabbo gidanaadan koshshiyaabaa oottaydda deꞌays gaana danddayay? Neeni giigissana koshshees giyoobi deꞌii? Hegawu baaxetana koshshiyoogee erettidaba gidikkonne, demmiyo anjjuwaa qoppa.
Amarkkan deꞌiya Jenifera hagaadan gaasu: “Xoossawu mata dabbo gidanawu, baaxetiyo ubbabay keehi maaddiyaaba. He dabbotay kaseegaappe aaruwan Xoossan ammanettiyoogaa, kaseegaappe aaruwan a eeshshaa akeekiyoogaa, ubbaappekka aaruwan, kaseegaappe loyttidi a siiqiyoogaa mala daro anjjuwaa demissees. Hegaappe kehiya deꞌoy baawa!”
Neeni Xoossawu mata dabbo gidanawu koyikko, Yihoowa Markkati nena maaddiyoogan ufayttoosona. Eti miishshaa qanxxissennan nena Geeshsha Maxaafaa tamaarissoosona. Eti Kawotettaa Addaraashan Geeshsha Maxaafaa tamaariyo shiiquwaa neenikka shiiqiyaakko ufayttoosona; yaatikko, banttawu Xoossaara deꞌiya dabbotaa xoqqu oottidi xeelliya asaara neeni dabbotana.a Neeni yaatiyo wode, “Taassa gidikko, taani Xoossaa matan de7iyoogee taayyo lo77o” yaagida mazamuraawiyaagaadan neessi siyettana.—Mazamure 73:28.
a Geeshsha Maxaafaa xannaꞌanawu woy ne heeran Kawotettaa Addaraashay awan deꞌiyaakko eranawu, hayyanaa ha maxeetiyaa neessi immida uraa oycha; woy qassi www.jw.org/wal giyo nu Weyb sayttiyaa beꞌa. DOOMETTA SINTTAA > NUNAARA GAYTTA giyaagaa garssan xeella.