Asaa Haasayissiyoogaa Doommanau Maaddiya Qofaa

Aginan Koyro Qeeraa Gallassi Geeshsha Maxaafaa Xinaatiyaa Doomissanau

“Issi issi asay Geeshsha Maxaafay ammanttiya hiraagay deꞌiyo maxaafa giidi ammanees. Harati qassi, keehi dumma dumma gidida ogiyan birshshettana danddayiya hiraagaa oyqqidabadan qoppoosona. Intte qofay shin aybee?” Zaaranaashin takki ga. Ichashe 1 Wochiyo Keelaa keettaawau immada, sinttaa 16n deꞌiya sima huuphe yohuwaappe issuwaa nabbabidi tobbite; hegan deꞌiya xiqisiyaappe guuxxiis giishin issuwaa nabbaba. Maxeeteta keettaawau immada, kaallidi deꞌiya oyshaa tobbanau zaarettada yaana gallassaa keera.

Ichashe 1

“Gita attuma asatunne gita maccaasatu taarikiyaappe darobaa tamaarana danddayoos. Hegaa inttekka maayeetii? [Zaaranaashin takki ga.] Ha xiqisee Geeshsha Maxaafan “Xoossaa dabbo” geetettidi xeegettida issi gita bitaniyaabaa yootees. [Yaaqooba 2:23 nabbaba.] Ha maxeetee Xoossay a ba dabbo giidi ayssi xeesidaakko yootees; qassi nuuni Abrahaamappe ay tamaarana danddayiyaakko yootees.”

Beegottite! Ichashe

“Mattaayee, maganxxaynne asay hara ogiyan ammanettennaagaa gidiyoogee ha alamiyan meeze gididaba. Oosuwan murutanau issi issiban ammanettennaagee bessiyaaba giidi issoti issoti qoppoosona. Intte qofay shin aybee? [Zaaranaashin takki ga.] Ha wozanaa denttettiya leemisuwaa akeekite. [Leemiso 20:17 nabbaba.] Ammanettiyaageeta gidiyoogee bessiyaaba gidiyoy aybissakko ha maxeetee qonccissees.”