The First Book of Chronicles
24 Now, na like this them divide the children-children of Aaron for different-different groups: The sons of Aaron na Na′dab, A·bi′hu, El·e·a′zar, and Ith′a·mar. 2 But Na′dab and A·bi′hu first their papa die, and them no born any son; but El·e·a′zar and Ith′a·mar continue to work as priests. 3 David, with Za′dok wey come from among the sons of El·e·a′zar and A·him′e·lech wey come from among the sons of Ith′a·mar, divide them into different-different groups for the work wey them give them to do. 4 As e be say the sons of El·e·a′zar get more leaders pass the sons of Ith′a·mar, them come divide them like this: The sons of El·e·a′zar get 16 leaders of their family groups for their papa side, and the sons of Ith′a·mar get 8 leaders of their family groups for their papa side.
5 Another thing be say, them use lots divide the two groups, because the sons of El·e·a′zar and the sons of Ith′a·mar get chiefs of the holy place and chiefs of the true God. 6 Then She·mai′ah the son of Ne·than′el wey be the secretary of the Levites write their names for front of the king, the leaders, Za′dok wey be priest, A·him′e·lech the son of A·bi′a·thar, and the leaders of the family groups for the papa side of the priests and the Levite people. Them select one family group for El·e·a′zar and them select one for Ith′a·mar.
7 The first lot fall for Je·hoi′a·rib; the second one fall for Je·da′iah, 8 the third one fall for Ha′rim, the fourth one fall for Se·o′rim, 9 the fifth one fall for Mal·chi′jah, the sixth one fall for Mij′a·min, 10 the seventh one fall for Hak′koz, the eighth one fall for A·bi′jah, 11 the ninth one fall for Jesh′u·a, the tenth one fall for Shec·a·ni′ah, 12 the 11th one fall for E·li′a·shib, the 12th one fall for Ja′kim, 13 the 13th one fall for Hup′pah, the 14th one fall for Je·sheb′e·ab, 14 the 15th one fall for Bil′gah, the 16th one fall for Im′mer, 15 the 17th one fall for He′zir, the 18th one fall for Hap′piz·zez, 16 the 19th one fall for Peth·a·hi′ah, the 20th one fall for Je·hez′kel, 17 the 21st one fall for Ja′chin, the 22nd one fall for Ga′mul, 18 the 23rd one fall for De·la′iah, the 24th one fall for Ma·a·zi′ah.
19 Na like this them arrange them to do their work when them come the house of Jehovah according to the way their papa-papa Aaron be don arrange-am, just as Jehovah the God of Israel don command-am.
20 Na the other Levites wey remain be this: the person wey come from among the sons of Am′ram na Shu′ba·el; the person wey come from among the sons of Shu′ba·el na Jeh·de′iah; 21 the person wey come from among the sons of Re·ha·bi′ah na Is·shi′ah wey be the leader; 22 the person wey come from the family of Iz′har na She·lo′moth; the person wey come from among the sons of She·lo′moth na Ja′hath; 23 the people wey come from among the sons of Heb′ron na Je·ri′ah wey be the leader, Am·a·ri′ah wey be the second one, Ja·ha·zi′el wey be the third one, Jek·a·me′am wey be the fourth one; 24 the person wey come from among the sons of Uz′zi·el na Mi′cah; the person wey come from among the sons of Mi′cah na Sha′mir. 25 Is·shi′ah na the brother of Mi′cah; the person wey come from among the sons of Is·shi′ah na Zech·a·ri′ah.
26 The sons of Me·rar′i na Mah′li and Mu′shi; the person wey come from among the sons of Ja·a·zi′ah na Be′no. 27 Na the sons of Me·rar′i be this: the people wey come from among the sons of Ja·a·zi′ah na Be′no, Sho′ham, Zac′cur, and Ib′ri; 28 the person wey come from among the sons of Mah′li na El·e·a′zar, wey no get any son; 29 the person wey come from among the sons of Kish na Je·rah′me·el; 30 and the people wey come from among the sons of Mu′shi na Mah′li, E′der, and Jer′i·moth.
Na this people be the sons of Le′vi according to their family groups for their papa side. 31 And them cast lots* too, just as their brothers wey be the sons of Aaron do for front of King David, Za′dok, A·him′e·lech, and the leaders of the family groups for the papa side of the priests and the Levites. For this matter of family groups, the way them do for person wey be leader, na so them still do for im younger brother.