The First Book of Chronicles
26 Na the different-different groups of gatemen be this: the person wey come from the family of Kor′ah na Me·shel·e·mi′ah the son of Ko′re wey come from among the sons of A′saph. 2 And Me·shel·e·mi′ah get sons: the firstborn na Zech·a·ri′ah, the second one na Je·di′a·el, the third one na Zeb·a·di′ah, the fourth one na Jath′ni·el, 3 the fifth one na E′lam, the sixth one na Je·ho·ha′nan, the seventh one na El′ie·ho-e′nai. 4 And O′bed-e′dom get sons: the firstborn na She·mai′ah, the second one na Je·hoz′a·bad, the third one na Jo′ah, the fourth one na Sa′car, the fifth one na Ne·than′el, 5 the sixth one na Am′mi·el, the seventh one na Is′sa·char, and the eighth one na Pe·ul′le·thai; because God bless-am.
6 And them born sons for She·mai′ah wey be im son. Them be leaders for their family group from their papa side and them be strong men wey fit do their work well. 7 The sons of She·mai′ah na: Oth′ni, Reph′a·el, O′bed, and El·za′bad; and im brothers wey be E·li′hu and Sem·a·chi′ah na men wey fit do their work well too. 8 All this people na the sons of O′bed-e′dom; them and their sons and their brothers na men wey fit do their work well, and them qualify to do the work. Them be 62 people wey come from the family of O′bed-e′dom. 9 And Me·shel·e·mi′ah get sons and brothers, them be 18 men wey fit do their work well. 10 And Ho′sah wey come from among the sons of Me·rar′i get sons. Shim′ri na leader, because even though say no be im be firstborn, im papa choose-am to be leader, 11 the second one na Hil·ki′ah, the third one na Teb·a·li′ah, the fourth one na Zech·a·ri′ah. All the sons and brothers of Ho′sah na 13.
12 For this groups of gatemen, the leaders get work wey them de do just like their brothers, to work for the house of Jehovah. 13 So them cast lots* for the family groups from their papa side, whether e small or big, so that them go know the gates wey them go dey. 14 Then the lot for the east side fall for Shel·e·mi′ah. Them come cast lots* for Zech·a·ri′ah im son, wey de give people advice with sense, and the lot fall for the north side. 15 O′bed-e′dom own fall for the south side, and them give im sons the work to care for the storehouse them. 16 Shup′pim and Ho′sah own fall for the west side, near Shal′lech·eth Gate wey near the road wey go up, and each group of watchmen dey near another group of watchmen; 17 na six Levites de dey the east side; four de dey for the north side everyday, and four de dey for the south side everyday; and na two-two de dey for the storehouse them; 18 for the west side wey the house wey get pillars dey, four people de guard the road wey dey there and two people de guard the house wey get pillars. 19 Na this ones be the different-different groups of gatemen wey come from the family of Kor′ah and the family of Me·rar′i.
20 A·hi′jah wey come from among the Levites dey in charge of the place wey them de keep better-better things for the house of the true God and the place wey them de keep better-better things wey them don make holy.* 21 From the sons of La′dan: from among the sons of La′dan wey come from the family of Ger′shon, the people wey be the leaders of the family groups from their papa side wey come from La′dan na Je·hi′e·li 22 and the sons of Je·hi′e·li, Ze′tham and im brother wey be Joel. Na them dey in charge of the place wey them de keep better-better things for the house of Jehovah. 23 From among the people wey come from the family of Am′ram, people wey come from the family of Iz′har, the people wey come from the family of Heb′ron, and the people wey come from the family of Uz·zi′el, 24 Sheb′u·el wey be son of Ger′shom son of Moses, na leader wey dey in charge of the storehouse them. 25 As for im brothers, from among the children of E·li·e′zer, the people wey dey na, Re·ha·bi′ah wey be E·li·e′zer son, with Je·sha′iah wey be Re·ha·bi′ah son, Jo′ram wey be Je·sha′iah son, Zich′ri wey be Jo′ram son, and She·lo′moth wey be Zich′ri son. 26 Na this She·lo′moth and im brothers dey in charge of all the place them wey them keep the better-better things wey them don make holy. The people wey make them holy na King David, the leaders of the family groups from their papa side, the people wey de control one-one thousand soldiers, and the people wey de control hundred-hundred soldiers, and the people wey de control the army. 27 Them make some of the things wey them collect from war holy, so that them go use them maintain the house of Jehovah; 28 plus all the things wey Samuel wey de see vision, Saul the son of Kish, Ab′ner the son of Ner, and Jo′ab the son of Ze·ru′iah be don make holy. Na She·lo′mith and im brothers them choose to care for anything wey anybody don make holy.
29 From among the people wey come from the family of Iz′har, them choose Chen·a·ni′ah and im sons to do other works as officers and judges for Israel people.
30 Hash·a·bi′ah and im brothers, wey come from the family of Heb′ron, wey be 1,700 men wey fit do their work well, de control Israel for the area wey dey the west side of River Jordan. Them de do all the work of Jehovah and the work of the king. 31 From among people wey come from the family of Heb′ron, na Je·ri′jah be the leader of the family group from the papa side of people wey come from the family of Heb′ron. For the 40th year wey David don de rule, them check, and for Ja′zer for Gil′e·ad, them see strong men among them wey fit do their work well. 32 And im brothers plenty reach 2,700, them be people wey fit do their work well and them be leaders of their family groups from their papa side. So King David choose them say make them de lead Reu′ben people, Gad people, and people for the half tribe of Ma·nasʹseh, to handle every matter of the true God and matter of the king.