Numbers

26 After the punishment, Jehovah tell Moses and El·e·a′zar the son of Aaron the priest say: 2 “Register all Israel people from 20 years go up, according to their family groups from their papa side, count all the people wey fit serve for army for Israel.” 3 So Moses and El·e·a′zar the priest talk with them for the level lands wey dey the desert of Mo′ab near River Jordan for Jer′i·cho say: 4 “Register them from 20 years go up, just as Jehovah don command Moses.”

Now the sons of Israel wey comot from the land of Egypt na: 5 Reu′ben, wey be Israel firstborn; Reu′ben sons na: Ha′noch, wey the family of Haʹnoch come from; Pal′lu, wey the family of Palʹlu come from; 6 Hez′ron, wey the family of Hezʹron come from; Car′mi, wey the family of Car′mi come from. 7 This ones na the families wey come from the tribe of Reu′ben, and the number of people wey them register among them na 43,730.

8 The son of Pal′lu na E·li′ab. 9 And the sons of E·li′ab na Nem′u·el, Da′than, and A·bi′ram. This Da′than and A·bi′ram na the ones among the people wey them choose, wey fight against Moses and Aaron together with Kor′ah group when them fight against Jehovah.

10 Then the earth open* and swallow them. As for Kor′ah, e die with the people wey de support-am when the fire burn 250 men. And them come be example to warn other people. 11 But the sons of Kor′ah no die.

12 The sons of Sim′e·on according to their families na: Nem′u·el, wey the family of Nemʹu·el come from; Ja′min, wey the family of Jaʹmin come from; Ja′chin, wey the family of Jaʹchin come from; 13 Ze′rah, wey the family of Zeʹrah come from; Sha′ul, wey the family of Sha′ul come from. 14 This ones na the families of the tribe of Sim′e·on: 22,200.

15 The sons of Gad according to their families na: Ze′phon, wey the family of Zeʹphon come from; Hag′gi, wey the family of Hagʹgi come from; Shu′ni, wey the family of Shuʹni come from; 16 Oz′ni, wey the family of Oz′ni come from; E′ri, wey the family of E′ri come from; 17 Ar′od, wey the family of Arʹod come from; A·re′li, wey the family of A·reʹli come from. 18 This ones na the families of the sons of Gad, and the number of people wey them register among them na 40,500.

19 The sons of Judah na Er and O′nan. But, Er and O′nan die for the land of Ca′naan. 20 And the sons of Judah according to their families na: She′lah, wey the family of She′lah come from; Pe′rez, wey the family of Pe′rez come from; Ze′rah, wey the family of Zeʹrah come from. 21 And the sons of Pe′rez na: Hez′ron, wey the family of Hezʹron come from; Ha′mul, wey the family of Ha′mul come from. 22 This ones na the families of Judah, and the number of people wey them register among them na 76,500.

23 The sons of Is′sa·char according to their families na: To′la, wey the family of Toʹla come from; Pu′vah, wey the family of Pu′vah come from; 24 Ja′shub, wey the family of Ja′shub come from; Shim′ron, wey the family of Shim′ron come from. 25 This ones na the families of Is′sa·char, and the number of people wey them register among them na 64,300.

26 The sons of Zeb′u·lun according to their families na: Se′red, wey the family of Se′red come from; E′lon, wey the family of E′lon come from; Jah′le·el, wey the family of Jah′le·el come from. 27 This ones na the families of the tribe of Zebʹu·lun, and the number of people wey them register among them na 60,500.

28 The sons of Joseph according to their families na: Ma·nas′seh and E′phra·im. 29 The sons of Ma·nas′seh na: Ma′chir, wey the family of Ma′chir come from; and Ma′chir come be Gil′e·ad papa; Gil′e·ad, wey the family of Gil′e·ad come from. 30 This ones na the sons of Gil′e·ad: Ie′zer, wey the family of Ie′zer come from; He′lek, wey the family of He′lek come from; 31 As′ri·el, wey the family of As′ri·el come from; She′chem, wey the family of She′chem come from; 32 She·mi′da, wey the family of She·mi′da come from; He′pher, wey the family of He′pher come from. 33 Now Ze·lo′phe·had the son of He′pher no get sons, na only daughters e get, and the names of the daughters of Ze·lo′phe·had na Mah′lah, Noah, Hog′lah, Mil′cah, and Tir′zah. 34 This ones na the families of Ma·nas′seh, and the number of people wey them register among them na 52,700.

35 This ones na the sons of E′phra·im according to their families: Shu′the·lah, wey the family of Shu′the·lah come from; Be′cher, wey the family of Be′cher come from; Ta′han, wey the family of Ta′han come from. 36 And this ones na the sons of Shu′the·lah: E′ran, wey the family of E′ran come from. 37 This ones na the families of the sons of E′phra·im, and the number of people wey them register among them na 32,500. This ones na the sons of Joseph according to their families.

38 The sons of Benjamin according to their families na: Be′la, wey the family of Be′la come from; Ash′bel, wey the family of Ash′bel come from; A·hi′ram, wey the family of A·hi′ram come from; 39 She·phu′pham, wey the family of Shu′pham come from; Hu′pham, wey the family of Hu′pham come from. 40 The sons of Be′la na Ard and Na′a·man: Ard, wey the family of Ard come from; Na′a·man, wey the family of Na′a·man come from. 41 This ones na the sons of Benjamin according to their families, and the number of people wey them register among them na 45,600.

42 This ones na the sons of Dan according to their families: Shu′ham, wey the family of Shu′ham come from. This ones na the families of Dan according to their families. 43 The number of people wey them register from all the families of Shu′ham na 64,400.

44 The sons of Ash′er according to their families na: Im′nah, wey the family of the Im′nah come from; Ish′vi, wey the family of Ish′vi come from; Be·ri′ah, wey the family of Be·ri′ah come from; 45 from the sons of Be·ri′ah: He′ber, wey the family of He′ber come from; Mal′chi·el, wey the family of Mal′chi·el come from. 46 The name of Ash′er daughter na Se′rah. 47 This ones na the families of the sons of Ash′er, and the number of people wey them register among them na 53,400.

48 The sons of Naph′ta·li according to their families na: Jah′ze·el, wey the family of Jah′ze·el come from; Gu′ni, wey the family of Gu′ni come from; 49 Je′zer, wey the family of Je′zer come from; Shil′lem, wey the family of Shil′lem come from. 50 This ones na the families of Naph′ta·li according to their families, and the number of people wey register among them na 45,400.

51 All the people wey them register among Israel people na: 601,730.

52 After that one, Jehovah tell Moses say: 53 “Make you divide the land among this people as their property according to the list of the names.* 54 For the big-big groups, make you increase the property, and for the small-small groups, make you reduce the property. Make you give the property for each group according to the number of people wey them register. 55 But, make una use lot to share the land. Make them get their property according to the names of the tribes of their papa them. 56 Una go use lot know how to share each of the property and share-am among the big-big groups and the small-small groups.”

57 Now na this ones be the people wey them register from the tribe of Le′vi according to their families: Ger′shon, wey the family of Ger′shon come from; Ko′hath, wey the family of Ko′hath come from; Me·rar′i, wey the family of Me·rar′i come from. 58 This ones na the families of the tribe of Le′vi: the family of Lib′ni, the family of Heb′ron, the family of Mah′li, the family of Mu′shi, the family of Kor′ah.

Ko′hath come be Am′ram papa. 59 And the name of Am′ram wife na Joch′e·bed, wey be Le′vi daughter, wey im wife born for Le′vi for Egypt. And Joch′e·bed born Aaron and Moses and their sister Mir′i·am for Am′ram. 60 Then them born Na′dab, A·bi′hu, El·e·a′zar, and Ith′a·mar for Aaron. 61 But Na′dab and A·bi′hu die because them do offering with fire wey no dey according to law for front of Jehovah.

62 All the people wey them register na 23,000, all the men from one month go up. Them no register them among Israel people because them no suppose give them any property among Israel people.

63 Na this ones Moses and El·e·a′zar the priest register when them register Israel people for the level lands wey dey the desert of Mo′ab near River Jordan for Jer′i·cho. 64 But Moses and Aaron the priest no register any one among them when them register Israel people for the wilderness of Si′nai. 65 Because Jehovah don talk about them say: “Them go surely die for the wilderness.” So nobody remain among them except Ca′leb the son of Je·phun′neh and Joshua the son of Nun.