Numbers

7 For the day wey Moses set the tabernacle finish, e anoint-am and make-am dey holy together with everything for inside, the altar, and all the things wey them de use for the altar. When e don anoint this things and make them dey holy, 2 the chiefs of Israel wey be the heads of their family groups from their papa side make offering. This chiefs of the tribes wey be dey in charge of the registration 3 bring their offering come front of Jehovah wey be, six wagons wey them cover and 12 ox,* one wagon for two chiefs and one bull* for each one; and them bring them come front of the tabernacle. 4 Jehovah tell Moses say: 5 “Accept this things from them since na this things them go use to do work for the tent of meeting, and make you give them to the Levites, to each person according to wetin e need for im work.”

6 So Moses accept the wagons and the animals and give them to the Levites. 7 E give two wagons and four ox to the sons of Ger′shon, according to wetin them need for their work; 8 and e give four wagons and eight ox to the sons of Me·rar′i, according to wetin them need for their work, and na Ith′a·mar the son of Aaron the priest go de direct wetin them de do. 9 But e no give any of this things to the sons of Ko′hath because their work connect with the work for the holy place, and na ontop their shoulders them de carry the holy things.

10 Now the chiefs bring their offering for the time wey them dedicate the altar, for the day wey them anoint the altar. When the chiefs bring their offering come front of the altar, 11 Jehovah tell Moses say: “Each day, one of the chief go bring im offering for the dedication of the altar, one chief for one day and another chief for another day.”

12 The person wey bring im offering for the first day na Nah′shon the son of Am·min′a·dab wey come from the tribe of Judah. 13 Im offering na one silver plate wey the weight na 130 shekels* and one silver bowl wey the weight na 70 shekels according to the shekel wey them de normally use for the holy place,* better flour* wey them mix with oil full inside the two of them wey them go use for grain offering; 14 one gold cup* wey the weight na 10 shekels wey incense full inside; 15 one young bull, one ram, and one small male sheep wey dey im first year wey them go use for offering wey them de burn; 16 one young goat for sin offering; 17 and for peace sacrifice, two cows, five rams, five male goats, and five small male sheep wey each of them dey one year. This one na the offering of Nah′shon the son of Am·min′a·dab.

18 For the second day, Ne·than′el the son of Zu′ar, the chief of Is′sa·char, bring offering. 19 Im offering wey e bring na one silver plate wey the weight na 130 shekels and one silver bowl wey the weight na 70 shekels according to the shekel wey them de normally use for the holy place, better flour* wey them mix with oil full inside the two of them wey them go use for grain offering; 20 one gold cup wey the weight na 10 shekels wey incense full inside; 21 one young bull, one ram, and one small male sheep wey dey im first year for offering wey them de burn; 22 one young goat for sin offering; 23 and for peace sacrifice, two cows, five rams, five male goats, and five small male sheep wey each of them dey one year. This one na the offering of Ne·than′el the son of Zu′ar.

24 For the third day, the chief of the sons of Zeb′u·lun, wey be E·li′ab the son of He′lon, 25 bring im offering wey be one silver plate wey the weight na 130 shekels and one silver bowl wey the weight na 70 shekels according to the shekel wey them de normally use for the holy place, better flour wey them mix with oil full inside the two of them wey them go use for grain offering; 26 one gold cup wey the weight na 10 shekels wey incense full inside; 27 one young bull, one ram, and one small male sheep wey dey im first year for offering wey them de burn; 28 one young goat for sin offering; 29 and for peace sacrifice, two cows, five rams, five male goats, and five small male sheep wey each of them dey one year. This one na the offering of E·li′ab the son of He′lon.

30 For the fourth day, the chief of the sons of Reu′ben, wey be E·li′zur the son of Shed′e·ur, 31 bring im offering wey be one silver plate wey the weight na 130 shekels and one silver bowl wey the weight na 70 shekels according to the shekel wey them de normally use for the holy place, better flour wey them mix with oil full inside the two of them wey them go use for grain offering; 32 one gold cup wey the weight na 10 shekels wey incense full inside; 33 one young bull, one ram, and one small male sheep wey dey im first year for offering wey them de burn; 34 one young goat for sin offering; 35 and for peace sacrifice, two cows, five rams, five male goats, and five small male sheep wey each of them dey one year. This one na the offering of E·li′zur the son of Shed′e·ur.

36 For the fifth day, the chief of the sons of Sim′e·on, wey be She·lu′mi·el the son of Zu·ri·shad′dai, 37 bring im offering wey be one silver plate wey the weight na 130 shekels and one silver bowl wey the weight na 70 shekels according to the shekel wey them de normally use for the holy place, better flour wey them mix with oil full inside the two of them wey them go use for grain offering; 38 one gold cup wey the weight na 10 shekels wey incense full inside; 39 one young bull, one ram, and one small male sheep wey dey im first year for offering wey them de burn; 40 one young goat for sin offering; 41 and for peace sacrifice, two cows, five rams, five male goats, and five small male sheep wey each of them dey one year. This one na the offering of She·lu′mi·el the son of Zu·ri·shad′dai.

42 For the sixth day, the chief of the sons of Gad, wey be E·li′a·saph the son of Deu′el, 43 bring im offering wey be one silver plate wey the weight na 130 shekels and one silver bowl wey the weight na 70 shekels according to the shekel wey them de normally use for the holy place, better flour wey them mix with oil full inside the two of them wey them go use for grain offering; 44 one gold cup wey the weight na 10 shekels wey incense full inside; 45 one young bull, one ram, and one small male sheep wey dey im first year for offering wey them de burn; 46 one young goat for sin offering; 47 and for peace sacrifice, two cows, five rams, five male goats, and five small male sheep wey each of them dey one year. This one na the offering of E·li′a·saph the son of Deu′el.

48 For the seventh day, the chief of the sons of E′phra·im, wey be E·lish′a·ma the son of Am·mi′hud, 49 bring im offering wey be one silver plate wey the weight na 130 shekels and one silver bowl wey the weight na 70 shekels according to the shekel wey them de normally use for the holy place, better flour wey them mix with oil full inside the two of them wey them go use for grain offering; 50 one gold cup wey the weight na 10 shekels wey incense full inside; 51 one young bull, one ram, and one small male sheep wey dey im first year for offering wey them de burn; 52 one young goat for sin offering; 53 and for peace sacrifice, two cows, five rams, five male goats, and five small male sheep wey each of them dey one year. This one na the offering of E·lish′a·ma the son of Am·mi′hud.

54 For the eighth day, the chief of the sons of Ma·nas′seh, wey be Ga·ma′li·el the son of Pe·dah′zur, 55 bring im offering wey be one silver plate wey the weight na 130 shekels and one silver bowl wey the weight na 70 shekels according to the shekel wey them de normally use for the holy place, better flour wey them mix with oil full inside the two of them wey them go use for grain offering; 56 one gold cup wey the weight na 10 shekels wey incense full inside; 57 one young bull, one ram, and one small male sheep wey dey im first year for offering wey them de burn; 58 one young goat for sin offering; 59 and for peace sacrifice, two cows, five rams, five male goats, and five small male sheep wey each of them dey one year. This one na the offering of Ga·ma′li·el the son of Pe·dah′zur.

60 For the ninth day, the chief of the sons of Benjamin, wey be Ab′i·dan the son of Gid·e·o′ni, 61 bring im offering wey be one silver plate wey the weight na 130 shekels and one silver bowl wey the weight na 70 shekels according to the shekel wey them de normally use for the holy place, better flour wey them mix with oil full inside the two of them wey them go use for grain offering; 62 one gold cup wey the weight na 10 shekels wey incense full inside; 63 one young bull, one ram, and one small male sheep wey dey im first year for offering wey them de burn; 64 one young goat for sin offering; 65 and for peace sacrifice, two cows, five rams, five male goats, and five small male sheep wey each of them dey one year. This one na the offering of Ab′i·dan the son of Gid·e·o′ni.

66 For the tenth day, the chief of the sons of Dan, wey be A·hi·e′zer the son of Am·mi·shad′dai, 67 bring im offering wey be one silver plate wey the weight na 130 shekels and one silver bowl wey the weight na 70 shekels according to the shekel wey them de normally use for the holy place, better flour wey them mix with oil full inside the two of them wey them go use for grain offering; 68 one gold cup wey the weight na 10 shekels wey incense full inside; 69 one young bull, one ram, and one small male sheep wey dey im first year for offering wey them de burn; 70 one young goat for sin offering; 71 and for peace sacrifice, two cows, five rams, five male goats, and five small male sheep wey each of them dey one year. This one na the offering of A·hi·e′zer the son of Am·mi·shad′dai.

72 For the 11th day, the chief of the sons of Ash′er, wey be Pa′gi·el the son of Och′ran, 73 bring im offering wey be one silver plate wey the weight na 130 shekels and one silver bowl wey the weight na 70 shekels according to the shekel wey them de normally use for the holy place, better flour wey them mix with oil full inside the two of them wey them go use for grain offering; 74 one gold cup wey the weight na 10 shekels wey incense full inside; 75 one young bull, one ram, and one small male sheep wey dey im first year for offering wey them de burn; 76 one young goat for sin offering; 77 and for peace sacrifice, two cows, five rams, five male goats, and five small male sheep wey each of them dey one year. This one na the offering of Pa′gi·el the son of Och′ran.

78 For the 12th day, the chief of the sons of Naph′ta·li, wey be A·hi′ra the son of E′nan, 79 bring im offering wey be one silver plate wey the weight na 130 shekels and one silver bowl wey the weight na 70 shekels according to the shekel wey them de normally use for the holy place, better flour wey them mix with oil full inside the two of them wey them go use for grain offering; 80 one gold cup wey the weight na 10 shekels wey incense full inside; 81 one young bull, one ram, and one small male sheep wey dey im first year for offering wey them de burn; 82 one young goat for sin offering; 83 and for peace sacrifice, two cows, five rams, five male goats, and five small male sheep wey each of them dey one year. This one na the offering of A·hi′ra the son of E′nan.

84 For the day wey them anoint the altar, na this one be the dedication offering of the altar wey the chiefs of Israel give: 12 silver plates, 12 silver bowls, 12 gold cups; 85 the weight of each silver plate na 130 shekels and the weight of each bowl na 70 shekels, and all the silver of the containers together reach 2,400 shekels according to the shekel wey them de normally use for the holy place; 86 the weight of each of the 12 gold cups wey incense full inside na 10 shekels according to the shekel wey them de normally use for the holy place, and all the gold of the cups together na 120 shekels. 87 All the animals for offering wey them de burn na 12 bulls, 12 rams, 12 small male sheep wey each of them dey one year and their grain offerings, and 12 young goats for sin offering; 88 and all the animals for peace sacrifice reach 24 bulls, 60 rams, 60 male goats, and 60 small male sheep wey each of them dey one year. This one na the dedication offering of the altar after them anoint-am.

89 Anytime wey Moses go inside the tent of meeting to talk with God,* e go hear the voice de talk with-am from ontop the cover of the ark of the Testimony, from between the two cherubs; and God go talk to-am.