The First Book of Chronicles
4 The sons of Judah na Pe′rez, Hez′ron, Car′mi, Hur, and Sho′bal. 2 Re·a′iah the son of Sho′bal come be Ja′hath papa; Ja′hath come be the papa of A·hu′mai and La′had. Na them the families of Zor′ath·ite people come from. 3 This na the sons of E′tam papa: Jez′re·el, Ish′ma, and Id′bash (and the name of their sister na Haz·ze·lel·po′ni), 4 and na Pe·nu′el be the papa of Ge′dor, E′zer be the papa of Hu′shah. Na this ones be the sons of Hur, wey be the firstborn of Eph′ra·thah and the papa of Beth′le·hem. 5 Ash′hur wey be the papa of Te·ko′a get two wives, He′lah and Na′a·rah. 6 The children wey Na′a·rah born for-am na A·huz′zam, He′pher, Te′me·ni, and Ha·a·hash′ta·ri. Na them be the sons of Na′a·rah. 7 And the sons of He′lah na Ze′reth, Iz′har, and Eth′nan. 8 Koz come be the papa of A′nub, Zo·be′bah, and the families of A·har′hel wey be the son of Ha′rum.
9 Ja′bez get honor pass im brothers; and im mama name-am Ja′bez* and talk say: “I born-am with pain.” 10 Ja′bez pray to the God of Israel, say: “Abeg bless me, and make my area big pass as e be, and make your hand dey with me and save me from trouble, so that bad thing no go happen to me!” So God do wetin e beg-am for.
11 Che′lub the brother of Shu′hah come be the papa of Me′hir, wey be the papa of Esh′ton. 12 Esh′ton come be the papa of Beth-ra′pha, Pa·se′ah, and Te·hin′nah, wey be Ir-na′hash papa. Na them be the men of Re′cah. 13 And the sons of Ke′naz na Oth′ni·el and Se·rai′ah, and the son* of Oth′ni·el na Ha′thath. 14 Me·o′no·thai come be Oph′rah papa. Se·rai′ah come be the papa of Jo′ab wey be the papa of Ge-har′a·shim,* them call them like that because them be people wey sabi use hand make things.
15 The sons of Ca′leb wey be the son of Je·phun′neh na I′ru, E′lah, and Na′am; and the son* of E′lah na Ke′naz. 16 The sons of Je·hal′le·lel na Ziph, Zi′phah, Tir′i·a, and As′a·rel. 17 The sons of Ez′rah na Je′ther, Me′red, E′pher, and Ja′lon; e* get belle and born Mir′i·am, Sham′mai, and Ish′bah wey be Esh·te·mo′a papa. 18 (And im wife wey be Jew person born Je′red wey be Ge′dor papa, He′ber wey be So′co papa, and Je·ku′thi·el wey be Za·no′ah papa.) Na them be the sons of Bi·thi′ah, wey be the daughter of Phar′aoh, wey Me′red marry.
19 Na the sons of Ho·di′ah wife, wey be Na′ham sister be the papa of Kei′lah wey be Gar′mite person, and the papa of Esh·te·mo′a wey be Maʹa·cath person. 20 And the sons of Shi′mon na Am′non, Rin′nah, Ben-ha′nan, and Ti′lon. And the sons of Ish′i na Zo′heth and Ben-zo′heth.
21 The sons of She′lah wey be the son of Judah na Er wey be the papa of Le′cah, La′a·dah wey be the papa of Ma·re′shah, and the families of the people wey de produce fine-fine cloths, wey come from the house of Ash·be′a, 22 and Jo′kim, the men of Co·ze′ba, Jo′ash, and Sa′raph, wey come be husbands of Mo′ab women, and Jash′u·bi-le′hem. Na olden days them write this things.* 23 Them be people wey de use clay mold things and them de stay for Ne·ta′im and Ge·de′rah. Na there them live and work for the king.
24 The sons of Sim′e·on na Nem′u·el, Ja′min, Ja′rib, Ze′rah, and Sha′ul. 25 Sha′ul son na Shal′lum, Shal′lum son na Mib′sam, and Mib′sam son na Mish′ma. 26 The sons of Mish′ma na Ham′mu·el, Ham′mu·el son na Zac′cur, Zac′cur son na Shim′e·i. 27 Shim′e·i get 16 sons and 6 daughters; but im brothers no get plenty sons, and their families no get sons plenty reach the ones wey the families of Judah get. 28 Them be de stay for Be′er-she′ba, Mo·la′dah, Ha′zar-shu′al, 29 Bil′hah, E′zem, To′lad, 30 Be·thu′el, Hor′mah, Zik′lag, 31 Beth-mar′ca·both, Ha′zar-su′sim, Beth-bir′i, and Sha′a·ra′im. Na them get this cities until the time when David de rule.
32 Them still stay for E′tam, A′in, Rim′mon, To′chen, and A′shan, five cities, 33 plus their village them wey surround this cities go reach Ba′al. Na the list of names wey them write for their families be this, and the place them wey them stay. 34 Other children from the tribe of Sim′e·on na Me·sho′bab, Jam′lech, Jo′shah wey be the son of Am·a·zi′ah, 35 Joel, Je′hu wey be the son of Josh·i·bi′ah son of Se·rai′ah son of As′i·el, 36 and Eli·o·e′nai, Ja·a·ko′bah, Jesh·o·hai′ah, A·sai′ah, Ad′i·el, Je·sim′i·el, Be·nai′ah, 37 and Zi′za wey be son of Shi′phi son of Al′lon son of Je·da′iah son of Shim′ri son of She·mai′ah; 38 this people wey them mention their names na chiefs for their families, and the families of their papa-papa them de plenty more-more. 39 Them go the place wey them take de enter Ge′dor, for the east side of the lowland* to look for grass wey their animals go chop. 40 Finally, them come see place wey get plenty green grass, and the land big, e dey quiet, and e get peace. Na people wey come from the family of Ham de stay there before. 41 This people wey them write their names come for the time of Hez·e·ki′ah wey be king of Judah, and them scatter the tents of the people wey come from the family of Ham and kill them with the people of Me·u′nim wey be dey there. Them destroy all of them and nobody among them dey till today; and because them see grass for there wey their animals fit chop, them come de stay for their place.
42 Some people wey come from the tribe of Sim′e·on, wey be 500 men, go Mount Se′ir. Them go with Pel·a·ti′ah, Ne·a·ri′ah, Re·pha′iah, and Uz′zi·el, wey be the sons of Ish′i and na them lead them go. 43 And them kill Amʹa·lek people wey remain wey be escape, them come de stay for there till today.