Watchtower ONLINE LIBRARY
Watchtower
ONLINE LIBRARY
Pidgin (West Africa)
  • BIBLE
  • PUBLICATIONS
  • MEETINGS
  • 1 Chronicles 11
  • New World Translation for Pidgin Holy Bible

Video no dey for wetin you select.

Sorry, the video no go fit play.

Things Wey Dey Inside 1 Chronicles

      • All Israel people anoint David as king (1-3)

      • David take over Zion (4-9)

      • David strong soldiers (10-47)

1 Chronicles 11:1

Footnotes

  • *

    Or “your own family people.” For Hebrew na, “your own bone and flesh.”

1 Chronicles 11:2

Footnotes

  • *

    For Hebrew na, “na you de carry Israel people come out and carry Israel people enter.”

1 Chronicles 11:6

Footnotes

  • *

    For Hebrew na, “head.”

1 Chronicles 11:8

Footnotes

  • *

    Or “Millo.” This one na Hebrew word wey mean “fill.”

1 Chronicles 11:15

Footnotes

  • *

    This one na, lowland wey dey between mountains.

1 Chronicles 11:19

Footnotes

  • *

    Or “souls.”

  • *

    Or “souls.”

1 Chronicles 11:22

Footnotes

  • *

    For Hebrew na, “na son of man wey no de fear.”

1 Chronicles 11:23

Footnotes

  • *

    E tall reach about 2.23 m (7.3 ft).

1 Chronicles 11:32

Footnotes

  • *

    Or “wadis.” This one na lowlands wey dey between mountains, wey water de dey sometimes.

Other Translations of This Verse

Click one Bible verse number to see other Bible verse wey talk something like this verse.
  • New World Translation for Pidgin Holy Bible
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
  • 24
  • 25
  • 26
  • 27
  • 28
  • 29
  • 30
  • 31
  • 32
  • 33
  • 34
  • 35
  • 36
  • 37
  • 38
  • 39
  • 40
  • 41
  • 42
  • 43
  • 44
  • 45
  • 46
  • 47
New World Translation for Pidgin Holy Bible
1 Chronicles 11:1-47

The First Book of Chronicles

11 After some time, all Israel people gather come meet David for Heb′ron and tell-am say: “See! We be your own flesh and blood.* 2 Before-before, when Saul still be king, na you de lead Israel people go fight.* And Jehovah your God tell you say: ‘You go be shepherd for my people Israel, and you go be the leader of my people Israel.’” 3 So all the elders of Israel come meet the king for Heb′ron, and David make agreement with them for Heb′ron for Jehovah front. Them come anoint David as king for Israel, just as Jehovah don use Samuel talk-am.

4 After, David and all Israel people enter road and start to go Jerusalem, wey be, Je′bus, wey be the place wey Jeʹbus people be de stay for the land. 5 The people wey de stay for Je′bus de laugh David, de talk say: “You no fit ever enter inside here!” But David take over the safe place for Zion, wey them de call the City of David now. 6 So David talk say: “Anybody wey first attack Jeʹbus people go be chief* and leader.” And Jo′ab wey be the son of Ze·ru′iah first go attack them, e come be the chief. 7 Then David start to stay for the safe place. Na im make them call the place the City of David. 8 Then e start to build the city round again, from the Hill* go reach the areas wey dey around-am, and Jo′ab build the other part of the city again. 9 Na so David position as king come de strong more-more, and Jehovah of armies dey with-am.

10 This na the people wey be leaders of David strong soldiers, wey support-am well-well as king, wey join hand with all Israel people to make-am king just as Jehovah don talk about Israel. 11 Na the names of David strong soldiers be this: Ja·sho′be·am wey be the son of Hach′mo·ni person. Na im be the leader of the three strong soldiers. E use im spear kill 300 people at once. 12 The person wey dey after-am na El·e·a′zar wey be the son of Do′do wey come from the family of A·ho′hi. E be dey among the three strong soldiers. 13 E be dey with David for Pas-dam′mim, where Phi·lisʹti·a people be don gather to fight war. That time, barley full one plot of land wey dey that place, and the soldiers don run because of Phi·lisʹti·a people. 14 But e stand for the middle of the land and defend-am. E continue to kill Phi·lisʹti·a people, na so Jehovah make them win no be small.

15 Three of the 30 men wey be leaders go where rock dey to meet David for the cave of A·dul′lam, and that time, Phi·lisʹti·a soldiers set camp for the LowLand* of Reph′a·im. 16 That time, David be dey inside the safe place, and one group of Phi·lisʹti·a soldiers dey Beth′le·hem. 17 Then David talk wetin de hungry-am say: “If to say I fit see water drink from the well wey near the gate of Beth′le·hem, I for like-am!” 18 So the three of them force theirself enter the camp of Phi·lisʹti·a people and fetch water from the well wey near the gate of Beth′le·hem and bring-am come give David; but David no gree drink-am, e pour-am for ground to Jehovah. 19 E talk say: “From the way my God de look the matter, I no fit even think-am to do this kind thing! Make I drink the blood of this men wey put their life* for danger? Because them put their life* for danger to fit bring-am.” So e no gree drink-am. Na this things this im three strong soldiers do.

20 A·bish′ai the brother of Jo′ab come be the leader of another three soldiers; e use im spear kill 300 people, and them know-am as them know the first three soldiers. 21 Among the other three soldiers, na im them know pass the other two, and na im be their leader. Even with that one, im position no reach any of the first three soldiers.

22 Be·nai′ah the son of Je·hoi′a·da na person wey get strong heart,* wey do plenty big things for Kab′ze·el. E kill the two sons of Ar′i·el wey be Mo′ab person, and one day wey snow de fall, e enter inside one water pit go kill lion. 23 E still kill one Egypt man wey big pass normal person size—the man tall reach five cubits.* Even though say the Egypt person carry spear wey thick like the wood wey people wey de weave things de use, na rod Be·nai′ah carry go meet-am. E collect the spear from the hand of the Egypt man and kill-am with im own spear. 24 Na this things Be·nai′ah the son of Je·hoi′a·da do, and them know-am like the three strong soldiers. 25 Even though say them know-am pass the 30 soldiers, im position no reach the position of the three strong soldiers. But David choose-am to control im bodyguards.

26 The strong soldiers wey dey among the armies na: As′a·hel wey be the brother of Jo′ab, El·ha′nan wey be the son of Do′do wey come from Beth′le·hem, 27 Sham′moth wey be Ha′ro·rite person, He′lez wey be Pel′o·nite person, 28 I′ra the son of Ik′kesh wey be Te·ko′a person, Abi-e′zer wey be An′a·thoth person, 29 Sib′be·cai wey come from Hu′shah, I′lai wey come from the family of A·ho′hi, 30 Ma′ha·rai wey be Ne·to′phah person, He′led the son of Ba′a·nah wey be Ne·to′phah person, 31 I′thai the son of Ri′bai wey come from Gib′e·ah wey dey the land of Benjamin people, Be·nai′ah wey be Pir′a·thon person, 32 Hu′rai wey come from the lowlands* of Ga′ash, A·bi′el wey be Ar′bath·ite person, 33 Az′ma·veth wey be Ba·ha′rum·ite person, E·li′ah·ba wey come from Sha·al′bim, 34 the sons of Ha′shem wey be Gi′zon person, Jon′a·than wey be the son of Sha′gee the Har′a·rite person, 35 A·hi′am the son of Sa′car wey be Har′a·rite person, E·li′phal wey be the son of Ur, 36 He′pher wey be Me·che′rath·ite person, A·hi′jah wey be Pel′o·nite person, 37 Hez′ro wey be Car′mel person, Na′a·rai the son of Ez′bai, 38 Joel wey be the brother of Nathan, Mib′har wey be the son of Hag′ri, 39 Ze′lek wey be Am′mon person, Na′ha·rai wey be Be·roth′ite person wey de carry the weapons of Jo′ab the son of Ze·ru′iah; 40 I′ra wey be Ith′rite person, Ga′reb wey be Ith′rite person too, 41 U·ri′ah wey be Hit′tite person, Za′bad wey be the son of Ah′lai, 42 Ad′i·na wey be the son of Shi′za wey come from the tribe of Reu′ben, wey be leader for the tribe of Reu′ben, and 30 people dey with-am; 43 Ha′nan the son of Ma′a·cah, Josh′a·phat wey be Mith′nite person, 44 Uz·zi′a wey be Ashʹta·roth person, Sha′ma and Je·i′el, the sons of Ho′tham wey be A·ro′er person; 45 Je·di′a·el the son of Shim′ri, and Jo′ha im brother wey be Ti′zite person; 46 E′li·el wey be Ma′ha·vite person, Jer′i·bai and Josh·a·vi′ah the sons of El′na·am, and Ith′mah wey be Mo′ab person; 47 E′li·el, O′bed, and Ja·a·si′el wey be Me·zo′ba·ite person.

Publication for Pidgin (West Africa) (2017-2026)
Log Out
Log In
  • Pidgin (West Africa)
  • Share
  • How You Want-Am
  • Copyright © 2025 Watch Tower Bible and Tract Society of Pennsylvania
  • Wetin You Go Do and Wetin You No Go Do If You Want Use This Website
  • How We De Handle Information for This Website
  • Privacy Settings
  • JW.ORG
  • Log In
Share