Numbers

2 Jehovah come talk to Moses and Aaron, say: 2 “Israel people go arrange their camps for where them say make their group of three tribes dey, each man near the sign of im family group from im papa side. Them go put their camps to face the tent of meeting and surround-am with their camps.

3 “The people wey go put their camp for the east side wey face the side wey sun de come out from, go be the camp of Judah for the group of three tribes according to their groups;* the chief for the sons of Judah na Nah′shon wey be the son of Am·min′a·dab. 4 The number of people wey them register for im army na 74,600. 5 The camp wey go dey near-am go be the tribe of Is′sa·char; the chief for the sons of Is′sa·char na Ne·than′el the son of Zu′ar. 6 The number of people wey them register for im army na 54,400. 7 The next one na the tribe of Zeb′u·lun; the chief for the sons of Zeb′u·lun na E·li′ab the son of He′lon. 8 The number of people wey them register for im army na 57,400.

9 “The number of all the people wey them register to join the armies for the camp of Judah na 186,400. Na them go be the first to move their camp.

10 “The camp of Reu′ben for the group of three tribes according to their groups* go dey for the side wey face south; the chief for the sons of Reu′ben na E·li′zur the son of Shed′e·ur. 11 The number of people wey them register for im army na 46,500. 12 The camp wey go dey near the tribe of Reu′ben na the tribe of Sim′e·on; the chief for the sons of Sim′e·on na She·lu′mi·el the son of Zu·ri·shad′dai. 13 The number of people wey them register for im army na 59,300. 14 The next one na the tribe of Gad; the chief for the sons of Gad na E·li′a·saph the son of Reu′el. 15 The number of people wey them register for im army na 45,650.

16 “The number of all the people wey them register to join the armies for the camp of Reu′ben na 151,450, and na them go be the second to move their camp.

17 “When them want move the tent of meeting, the camp of the Levites go dey for the middle of the other camps.

“Na this same way them go de travel when them move from one place go another place, each person go dey for im place according to their group of three tribes.

18 “The camp of E′phra·im for the group of three tribes according to their groups* go dey for the side wey face west; the chief for the sons of E′phra·im na E·lish′a·ma the son of Am·mi′hud. 19 The number of people wey them register for im army na 40,500. 20 The one wey go dey next to E′phra·im go be the tribe of Ma·nas′seh; the chief for the sons of Ma·nas′seh na Ga·ma′li·el the son of Pe·dah′zur. 21 The number of people wey them register for im army na 32,200. 22 The next one na the tribe of Benjamin; the chief for the sons of Benjamin na Ab′i·dan the son of Gid·e·o′ni. 23 The number of people wey them register for im army na 35,400.

24 “The number of all the people wey them register to join the armies for the camp of E′phra·im na 108,100, and na them go be the third to move their camp.

25 “The camp of Dan for the group of three tribes according to their groups* go dey for the side wey face north; the chief for the sons of Dan na A·hi·e′zer the son of Am·mi·shad′dai. 26 The number of people wey them register for im army na 62,700. 27 The camp wey go dey together with-am na the tribe of Ash′er; the chief for the sons of Ash′er na Pa′gi·el the son of Och′ran. 28 The number of people wey them register for im army na 41,500. 29 The next one na the tribe of Naph′ta·li; the chief for the sons of Naph′ta·li na A·hi′ra the son of E′nan. 30 The number of people wey them register for im army na 53,400.

31 “The number of all the people wey them register for the camp of Dan na 157,600. Na them go be the last to move their camp according to their group of three tribes.”

32 This ones na the Israel people wey them register according to their family groups from their papa side. The total number of the people wey dey inside the camp wey them register for the army na 603,550. 33 But them no register the Levites together with the other Israel people, just as Jehovah don command Moses. 34 Israel people do everything wey Jehovah don command Moses. Na like this them arrange their camps according to their group of three tribes, and na like this them move, each of them according to their family and according to their family groups from their papa side.