Make Your Preaching De Better​—How to Use Letter Preach

WHY E DEY IMPORTANT?: 1 Corinthians na one of the 14 letters wey apostle Paul write to encourage Christians. When person de write letter, e get chance to choose things wey e want write for the letter. And the person wey e write the letter to, fit read the letter plenty times. Letter na one fine way person fit preach to friends and family members. Letter na still another fine way we fit preach to people wey we no fit meet face to face as we de preach. For example, person fit don show say e like our message, but to meet the person for house de hard. E no easy to see some people for our territory, because of the kind security and high fence wey e dey their house, or because they live for far area wey people no too dey. Which things you go always remember when you de write this kind letter, especially as you de write-am to stranger?

HOW YOU GO DO-AM:

• 

  Write wetin you for tell the person if you be see the person face to face. For the beginning, make you tell the person about yourself, and why you write the letter. You fit ask the person question wey e go think about-am, and still tell the person say make e go our website. Then tell the person about the Online Bible Study Lessons, how we de teach people Bible, or talk about some of the topics for any of the book wey we de use teach people. You fit put things like, contact card, invitation, or tract, for the letter

• Make-am short. Make your letter no too long so that the person no go tire to read-am.​—See example

• Read the letter to make sure say mistake no dey and make e dey clear to read. Write the letter like say you de write give your friend, use sense as you de write and talk good things for the letter. Put enough stamp for the envelope. If not, they fit no send the letter to the person