Dey Careful Because You Fit Spread Lie-Lie Story

Newspaper, radio, television, and Internet na different ways wey people de quick get information today. We de worship “the God of truth,” so we no want spread lie-lie information even if na by mistake. (Ps 31:5; Ex 23:1) This kind information fit cause serious problem for people. To know whether wetin you hear na true, ask yourself say:

• ‘I trust where the story de come from?’ The person wey tell you the story fit no know everything about the matter. As story de spread, people fit add salt and pepper to make-am sweet. So make you dey careful when you no know where the story come from. E dey important make elders and others mature Christians really put this one for mind. Because brothers and sisters de quick believe anything wey them hear from them.

• ‘Na wetin fit spoil person name?’ If wetin we hear go spoil person, company or other people name, e dey important make we no spread-am.​—Pr 18:8; Php 4:8

• ‘This kind thing fit really happen?’ Dey careful when you hear some kind sweet story or wetin person talk say e see

WATCH THE VIDEO WETIN I GO DO IF PERSON DEY TELL ME ANOTHER PERSON MATTER? AND AFTER, MAKE WUNA ANSWER THIS QUESTIONS:

• 

  As e dey for Proverbs 12:18, how bad word fit affect person?

• 

  How Philippians 2:4 fit help you when you de talk about other people?

• 

  Wetin you go do when the thing wey wuna de talk about person don change to bad one?

• 

  Which questions you suppose ask yourself before you start to talk about other people?