Armageddon Go Start for Israel?—Wetin Bible Talk?

Bible talk say Armageddon na war wey go happen between all the government for this world and God. No be war wey go happen for one part of the world.

• “Message wey come from demons . . . comot go meet the kings for the whole earth to gather them together for the war of the great day of God the Almighty. . . . Them gather them together go the place wey them de call Armageddon, for Hebrew language.”—Revelation 16:14, 16.

“Armageddon” na one word wey them carry from Hebrew language wey be Har Meghid·dohnʹ, wey mean “Mountain for Megiddo.” Before-before, Megiddo na one city for Israel. Na this one make some people believe say, na for Israel them go fight Armageddon. But, no place for Megiddo or any other area for Middle East big reach to contain all “the kings for the whole earth” and their army them.

The things wey them write for Revelation na signs wey get meaning. (Revelation 1:1) Armageddon no be place, but na when different-different country for the whole world go gather to fight against God Kingdom.—Revelation 19:11-16, 19-21.