Jehovah Witness De Ban Some Films, Books, or Songs?
No. Our organization no de mention the films, the books or the songs wey we go avoid. Why our organization no de do like that?
Bible encourage each person to train e “sense well” so that e go fit know good thing from bad thing.—Hebrews 5:14.
Bible de help us know how we fit choose the kind thing wey we go use to enjoy ourself.a We want always “de make sure say wetin we de do na wetin the Lord want.”—Ephesians 5:10.
Bible teach say family heads get the right to decide the kind films, book or music wey their family no go watch, read or listen to. (1 Corinthians 11:3; Ephesians 6:1-4) Apart from family, nobody get right to decide for other people the kind films or music wey they go watch or listen to.—Galatians 6:5.
a For example, Bible condemn anything wey get to do with demons, things about sex or fight-fight.—Deuteronomy 18:10-13; Ephesians 5:3; Colossians 3:8.